Protestuesit pretendojnë fitoren pasi qeveria bie dakord të përfshijë studentët në hartimin e një ligji plotësisht të ri për arsimin e lartë.
Qeveria maqedonase i është dorëzuar protestave të studentëve dhe ka pranuar të hartojë një ligj komplet të ri të Arsimit të Lartë pa testet kontraversale të jashtme, tha Plenumi i Studentëve të martën.
Një ligj i ri i arsimit të lartë – pa teste të jashtme – është rënë dakord në një takim midis Plenumit të Studentëve, Plenumit të Profesorëve, rektoratit të Universitetit të Shkupit, Ministrisë së Arsimit dhe Ministrisë së Financës mbajtur të martën.
Studentët do ta ndërpresin bojkotin e orëve të mësimit por do të vazhdojnë të zaptojnë Fakultetin e Filologjisë dhe Filozofisë ku prej 15 ditësh po ndjekin programin e tyre.
Pas takimit, përfaqësuesja nga Plenumi i Studentëve, Ivana Tufegdzic,, tha se debati për një ligj plotësisht të ri për arsimin e lartë ishte fituar.
“Ligji aktual është ndryshuar 16 herë që nga 2008 dhe këtë e ka humbur përputhshmërinë, zbatueshmërinë dhe thelbin, duke krijuar një pasiguri ligjore,” tha Tufegdzic.
Ajo shtoi se ligji i ri do të përcaktonte nga e para konceptin e arsimit të lartë, duke përdorur një metodologji që do të përfshijë studentët si pjesë e komunitetit akademik në çdo fazë.
Rektori i universitetit, Velimir Stojkovski, tha se ai ishte i kënaqur me zgjidhjen dhe krijimin e ligjit të ri. Raportimet në media cituan të ketë thënë se grupet e punës po përgatisnin konceptin për ligjin e ri që do të formohet brenda 30-45 ditësh.
Një konferencë do të organizohet pas së cilës grupet e punës do të shkruajnë projektligjin. Në fazën e fundit projektligji do të paraqitet te publiku për debat.
“Kjo mënyrë pune do të krijojë një mjedis konstruktiv në të cilin çdokush do të japë idetë e tij për krijimin e një projektligji cilësor që do të zbatohet për të gjithë dhe që do të na çojë drejt kritereve arsimore të Europës,” tha Stojkovski.
Ai i bëri apel të gjithë kolegëve dhe studentëve të kthehen te detyrimet e tyre të punës.
Protesta e parë e organizuar nga Plenumi i Studentëve u mbajt më 17 nëntor 2014. Në dhjetor, më shumë se 10000 studentë dhe profesorë marshuan në kryeqytet në protestë kundër ligjit të propozuar, në atë që u konsiderua si protesta më e madhe studentore në historinë paslufte të Maqedonisë.
Studentët pretenduan se provimet e jashtme të mbikëqyrura nga shteti dëmtonin autonominë e universiteteve në vend. Qeveria mbronte idenë se provimet do të rrisnin standardet e arsimit të lartë.
