Vendet nga Ballkani Perëndimor po mbeten mbrapa vendeve të tjera ish-komuniste që kanë kaluar të njëjtin tranzicion që filloi dy dekada më parë, thotë raporti i FMN-së.
Vendet e Ballkanit Perëndimor duhet të marrin masa ndaj deficiteve të tyre buxhetore, të ulin deficitet tregtare, të privatizojnë institucionet publike dhe të marrin reforma në tregun e punës, thotë Fondi Monetar Ndërkombëtar në një raport të ri.
Raporti i prezantuar të martën në Vjenë analizon rritjen ekonomike, politikat fiskale dhe reformat e tregut të punës që nga viti 2000.
Shqipëria, Bosnje-Hercegovina, Kroacia, Kosova, Maqedonia, Mali i Zi dhe Serbia kanë bërë të gjithë bërë arritje të mëdha ekonomie në 15 vitet e fundit, thoshte raporti. Megjithatë, ata duhet të kompletojnë tranzicionin në ekonomi tregu në mënyrë që të hapin vend për rritje të qëndrueshme në të ardhmen.
FMN-ja i nxiti vendet e Ballkanit Perëndimor të ngushtojnë hendeqet e mëdha në buxhetet e tyre, të pakësojnë barrën e borxhit publik dhe të trajtojnë kreditë e këqija nëse duan të rifitojnë rritjen dhe të kapin ritmin e vendeve të tjera ish-komuniste që janë tani në BE.
Raporti, ‘Ballkani Perëndimor – 15 vitet e tranzicionit’, tha se disa shtete kanë bërë hapa mbrapa krahasuar me shtete të tjera ish-komuniste që kanë kaluar të njëjtin tranzicion politik dhe ekonomik, duke shtuar se kriza ekonomike e 2008-ës ka theksuar dobësinë e tyre.
“Gjashtë vite pas krizës, është e qartë se Ballkani Perëndimor mbete pas shteteve të tjera evropiane në zhvillim në rritjen e të ardhurave dhe ngushtimin e hendekut me vendet e përparuara të Bashkimit Europian” thuhej në raportin e FMN.
Autoritetet duhet të ndërmarrin hapa për të eliminuar pengesat ligjore, juridike, taksore dhe rregullatore dhe të zgjerojnë rolin e sektorit privat dhe sistemeve bankare.
FMN këshillon vendet të ruajnë stabilitetin makroekonomik dhe të ndërmarrin reforma strukturore.
“Pa reforma të mëtejshme, rritja pa shkëlqim e viteve të fundit mund të bëhet normë, duke rrezikuar konvergjencën e standardeve të jetesës drejt niveleve të përparuara të ekonomive të BE dhe të pengojë mundësinë e punësimit në rajon,” thoshte në raport David Lipton, zv. drejtori i parë menaxheria i FMN.
