Gjykata e Zagrebit ka vendosur të kthejë në burg kryebashkiakun Milan Bandiç, i cili po hetohet për korrupsion.
Bandiç është kthyer përsëri në burg me vendim gjykate derisa hetimi për krimet për të cilat është akuzuar të përfundojë.
Gjykata do të vazhdojë të mbajë 2 milionë eurot që ai dha si garanci në nëntor sepse u shpreh se kishte dyshim të arsyeshëm që Bandiç u përpoq të ndikonte të dëshmitarët për të dhënë dëshmi të rreme, për të falsifikuar dokumente zyrtare dhe për të penguar hetimin.
Megjithatë ai ka ende të drejtën të apelojë vendimin te një panel gjykatësish, Bandiç u kthye në burg.
Paneli i gjykatësve gjithashtu ka vendosur se ndalimi që Bandiç të kryejë detyrat e tij si kryetar duhet të hiqet, duke i dhënë atij mundësinë të veprojë si i tillë.
Bandiç u arrestua në fund të tetorit 2014 për dyshim korrupsioni, abuzimi me detyrën dhe përdorim të influencës.
Ndaj tij u mor masa e sigurisë me burg gjatë hetimit, por më pas ai u lirua me kusht.
Me lirimin e tij, gjykata tha se Bandiç nuk mund të mbante detyrën, të pengonte hetimin, ndikonte te dëshmitarët ose të përsëriste ndonjë nga akuzat kriminale.
Ai e kishte të ndaluar të komunikonte me çdo dëshmitar të mundshëm derisa të përfundonte hetimi.
Ndërkohë Bandiç po hetohej nga USKOK për një dhurim 40,000 dollarë nga buxheti i qytetit te një OJQ.
Bandiç, që ka qenë kryebashkiak i kryeqytetit kroat për më shumë se 14 vjet, ishte dikur një nga politikanët më popullor të shtetit.
Një ish-anëtar i lartë i Partisë Social Demokrate, ai kandidoi për presidencë në zgjedhjet 2009-10, por humbi në raundin e dytë.