Nën tingujt e muzikës rrok, mijëra gjimnazistë maqedonas mbajtën një protestë në Shkup për të denoncuar sistemin e provimeve si një ‘torturë’.
Nën moton “Ndal reformave të këqija në arsim”, gjimnazistët në Maqedoni marshuan nga parku i qytetit të Shkupit përpara ministrisë së arsimit në qendër të qytetit, duke kërkuar që qeveria të heqë provimet e diplomimit.
Të bashkuar nën lëvizjen e quajtur Plenumi i Gjimnazit, protestuesit kundërshtojnë konceptin e provimeve të jashtme të kontrolluara nga shteti në gjimnaze, që kanë sy qëllim të kontrollojnë aftësitë dhe të vlerësojnë nëse mësuesit e kanë bërë punën e tyre. Ata gjithashtu duan të heqin provimet shtesë të parashikuara në matematikë pasi thonë se krijojnë një barrë të pamundur.
Protestuesit thonë se provimet e reja kanë zëvendësuar reformat reale në arsim për të cilat ata kishin nevojë.
“Ju jeni përpjekur të na ktheni në adoleshentë apatikë që do të bëhen pjesë e letargjisë më të gjerë në shoqëri. Ju sulmuat direkt një nga të drejtat tona, të drejtën për vullnet të lirë. Ju u përpoqët të na bënit konformistë servilë që duartrokasin hipokrizinë tuaj,” tha Evgenija Janakievska, nga Plenumi i Gjimnazit në tubim.
Prania jonë këtu është pasojë pozitive e qëllimit tuaj, që është të krijohet një shtet mediokrish,” shtoi ajo.
Nxënësit mbanin pankarta ku thuhej “Ky nuk është diplomim, por torturë,” “Jo reformave të këqija”, “Unë do të dështoj në diplomim, ashtu edhe sistemi”.
Protesta filloi dhe përfundoi me notat e muzikës së bandës amerikane të muzikës rrok “Rage Against the Machine”.
Përgatitjet për protestë qendrore në Shkup kanë tërhequr kundërshtime.
Përgatitjet për protesta kanë tërhequr një kundër-fushatë armiqësore. Postera nga autorë të panjohur janë vendosur përpara shumë gjimnazeve, për t’i paralajmëruar nxënësit që të mos protestojnë.
“Për një eksperiment ata donin minj. Mos lejoni të eksperimentojnë me ju si Soros me mua,” shkruante një poster.
Mesazhi jehon rrëfimin e partisë qeverisëse VMRO DPMNE, që prej kohësh ka bërë fushatë kundër të ashtuquajturve ‘Sorosoidë”, duke i portretizuar ata si mercenarë me interesa të huaja.
George Soros, manjati amerikan i biznesit i lindur në Hungari, është i njohur për mbështetjen e tij për kauzat liberale politike dhe lëvizjet nëpër Europën Qendrore dhe Juglindore.
Në qytetin qendror të Veles, ku nxënësit mbajtën një protestë të vogël javën e shkuar, posterët e autorëve të panjohur akuzonin organizatorët se kishin marrë secili nga 160 euro shpërblim nga Sorosi për protestën.
Civil, një OJQ, dhe Komiteti Maqedonas i Helsinkit për të drejtat e njeriut dënuan presionin kundër nxënësve në protestë.
Nxënësit lajmëruan më shumë protesta nëse autoritetet nuk ua plotësojnë kërkesat.
