Komisioneri i BE-së Johannes Hahn i premtoi rajonit 1 miliard euro në investim infrastrukture në konferencën e tretë të Ballkanit Perëndimor 6 të mbajtur në Prishtinë – ku mori pjesë edhe Serbia.
BE-ja është zotuar t’i japë Ballkanit Perëndimor një miliardë euro investime për projekte në infrastrukturë dhe transport.
Konferenca e mbajtur në Prishtinë shënoi herën e parë që një zyrtar i lartë serb mori pjesë në një samit në Kosovë që kur konflikti në vend përfundoi në fund të viteve 1990.
“Ne bëmë shumë progres sot dhe unë besoj se do të jemi në gjendje të finalizojmë marrëveshjen mbi Rrjetin Qëndror që diskutuam sot,” tha Komisioneri i BE për Zgjerim, Johannes Hahn.
Rrjeti Qëndor Rajonal të cilit ai i referohet do të lidhë kryeqytetet, qendrat kryesore ekonomike dhe portet e vendeve të Ballkanit Perëndimor.
Që rrjeti të plotësohet, shtetet në fjalë duhet të përmbushin të gjitha projektet e investimit dhe të plotësojnë standardet teknike të kërkuara deri në vitin 2030.
Konferenca Ballkani Perëndimor 6 u mbajt për herë të parë në Prishtinë.
Ministrat e jashtëm dhe të infrastrukturës së Shqipërisë, Bosnjës, Kosovës, Malit të Zi dhe Serbisë morën pjesë.
Këto takime janë një pasim i Procesit të Berlinit, që u organizua nga Kancelarja Gjermane Angela Merkel në gushtin shkuar në Berlin, ku morën pjesë të njëjtët ministra.
Procesi i Berlinit synon të koordinojë proceset e zgjerimit në BE të vendeve të Ballkanit Perëndimor.
Konferenca e të mërkurës në Kosovë u përqendrua në transportin rajonal dhe çështjet e komunikimit, ku ministrat pjesëmarrës punuan në një draft-marrëveshje mbi projektet rajonale.
Marrëveshja pritet të finalizohet në takimin tjetër të ministrave në prill në Bruksel. Planifikim i investimit u diskutua sot së bashku me zbatimin e reformave sipas BE-së për infrastrukturën ekzistuese ose të ardhshme.
Hahn theksoi se paratë nuk ishin problemi i vetëm për projektet. Fondet për projekte të tilla nuk kanë munguar. Problemi ishte te ‘maturimi’ i projekteve të propozuara. “Ne duhet të sigurohemi për zotimin e atyre që janë të përfshirë. Ura financiare do të kalohet kur të arrijmë atje,” tha Hahn në një konferencë të përbashkët për shtyp me ministrin e jashtëm të Kosovës, Hashim Thaçi.
“BE-ja ka premtuar rreth 1 miliard euro nga fondet IPA 2 për Ballkanin dhe kjo duhet të përzihet me mundësitë dh kreditë nga institucionet financiare ndërkombëtare,” shtoi Hahn.
Ministri Thaçi, që kryesoi shumicën e enteve, tha se ai mirëpriste praninë e ministrit të jashtëm serb Ivica Daçiç.
Vizita e Daçiç ishte e para vizitë zyrtare e një zyrtari të lartë nga Serbia në Prishtinë që kur konflikti në vend përfundoi.
“Kam kënaqësinë të mirëpres ministrat e jashtëm nga ky rajon në konferencë dhe veçanërisht t’i uroj mirëseardhjen për herë të parë ministrit të jashtëm serb Ivica Daçiç,” tha Thaçi.
Ai e quajti praninë e ministrit serb në Prishtinë “provë të mëtejshme të suksesit të Marrëveshjes së Brukselit,” duke iu referuar dialogut të drejtuar nga BE mes Serbisë dhe Kosovës për normalizimin e marrëdhënieve.
“Gjatë takimeve që ne patëm në Bruksel, së bashku me [ish-shefen e politikës së jashtme të BE] Baroneshën Ashton dhe [pasardhësen e saj] Mogherini, u tha se marrëveshjet politike nuk janë mjaftueshëm. Ne kemi nevojë për investime dhe zhvillim ekonomik në rajon, në mënyrë që njerëzit të investojnë në të ardhmen dhe të mos mbeten viktimë e së shkuarës,” përfundoi Thaçi.
Në një deklaratë të dhënë gjatë fundit të konferencës, Daçiç këmbënguli në rëndësinë e bashkëpunimit rajonal në nivel ekonomik.
“Në konferencën e mëparshme, ku morën pjesë ministrat e jashtëm dhe ministrat e ekonomisë në Ballkanin Perëndimor, të mbajtur në Beograd, u ra dakord se takimi i ardhshëm do të ishte në Prishtinë,” theksoi Daçiç.
“Baza e Procesit të Berlinit… është lidhja e përbashkët,” vazhdoi ai.
Daçiç tha se konferenca ishte provë e ‘marrëdhënieve më të qetësuara në Ballkan dhe një zotim i përbashkët që ne nuk duhet ta shkatërrojmë”.
Konferenca e ardhshme e WB6 pritet të mbahet në qershor, me një tjetër konferencë në nivel kryeministrash, si konferenca e parë e Berlinit, e rezervuar në gusht të këtij viti.
