Reporter.al
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog
Ska rezultat
Shiko të gjitha
  • Tema kryesore
  • Gjyqtare
  • Kolegji i Posaçëm i Apelimit
  • Prokurore
  • KPK
  • Gjykata e Apelit Tiranë
  • Mjedisi
Reporter.al
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog
Ska rezultat
Shiko të gjitha
Reporter.al
Fillimi Faqja e pare

Urdhër-arrest i dytë për Mark Frroku, akuzohet nga Belgjika për vrasje

BIRNNgaBIRN
12:49 | 28/03/2015
Në Faqja e pare, Lajme, Vendi
Kohe leximi: 2 minuta
A A
0
Urdhër-arrest i dytë për Mark Frroku, akuzohet nga Belgjika për vrasje
Share on FacebookShare on Twitter

Prokuroria i kërkon Kuvendin autorizim për arrestimin e dytë të deputetit Frroku, pas shpalljes së tij në kërkim ndërkombëtar nga Belgjika për një vrasje të vitit 1999.   

Deputeti Mark Frroku duke dalë nga Prokuroria e Krimeve të Rënda në Tiranë më 9 Mars 2015. Foto: LSA/Malton Dibra
Deputeti Mark Frroku duke dalë nga Prokuroria e Krimeve të Rënda në Tiranë më 9 Mars 2015. Foto: LSA/Malton Dibra

Prokuroria e Përgjithshme i dërgon Kuvendit urdhër-arrestin e dytë për deputetin Mark Frroku, i cili akuzohet nga Belgjika për “vrasje me paramendim”. Kërkesa për autorizimin e Kuvendit vjen pas një urdhër arresti ndërkombëtar, të lëshuar nga autoritetet belge për deputetin Mark Frroku.

Zyra e Prokurorit të Përgjithshëm njoftoi të shtunën për mediat se ishte njoftuar për urdhër-arrestin ndërkombëtar ndaj Frrokut përmes shkresës së datës 27 mars 2015 të Interpol Tiranës dhe shkresës së datës 28 mars 2015 të Ministrisë së Drejtësisë.

“Pas këtij informacioni, Prokuroria e Përgjithshme ka regjistruar procedimin penal nr.2 për veprën penale të vrasjes me paramendim në bashkëpunim, parashikuar nga neni 78/1 dhe 25 i Kodit Penal të Republikës së Shqipërisë,” tha këshilltari për mediat i Prokurorisë së Përgjithshme, Albi Serani.

Deputeti Mark Frroku ndodhet prej të enjtes në qeli, pasi Prokuroria e akuzoi atë për kallëzim të rremë dhe sajimin e historisë së një atentati të pretenduar ndaj deputetit Tom Doshi. Por pozitat e tij rëndohen edhe më tej me akuzën e vrasjes, për të cilën ka marrë një dënim me 10 vjet burg nga gjykata belge.

Mark Frroku akuzohet nga Prokurori i Përgjithshëm pranë Gjykatës së Apelit të Brukselit se ka vrarë bashkë me 3 shqiptarë të tjerë shtetasin Aleksandër Kurti. Sipas kërkesës së Prokurorisë, drejtuar Kuvendit, krimi ka ndodhur në Bruksel më 5 mars 1999.

Deputeti Mark Frroku, i cili në Bruksel njihej me emrin Besnik Morina është gjykuar në mungesë dhe është dënuar me 10 vjet burg nga Gjykata e Krimeve të Rënda të Brukselit. Por ai e ka apeluar vendimin, me pretendimin se avokati i tij ka qenë kontradiktor në mbrojtjen e tij.

Prokuroria e Përgjithshme bën me dije se pas apelimit, Gjykata e Kasacionit ka rikthyer çështjen në gjykim me vendim të datës 24 mars 2010. Kryetari i Gjykatës së Apelit për Krime të Rënda në Bruksel ka vendosur fillimisht që shqyrtimi i çështjes të fillojë në shkurt të 2015, por e ka shtyrë më pas atë në tetor 2015.

Sipas akteve të ardhura nga Belgjika, deputeti Mark Frroku akuzohet se bashkë me 3 persona të tjerë kanë vrarë Aleksandër Kurtin, pas përplasjes së grupeve të implikuara në shfrytëzimin e prostitucionit në Bruksel.

Kjo kërkesë e Prokurorisë, e cila kërkon miratimin e Kuvendit pritet të hapë debate politike mbi infiltrimin në Parlament të personave të inkriminuar. Sekretari i Përgjithshëm i Partisë Demokratike në opozitë, Arben Ristani akuzoi kryeministrin Rama s

Tjetri
Arsimi (i lartë) si e drejtë publike dhe jo private

Dështimet e reformimit të arsimit të lartë dhe kërkimit shkencor

Më të lexuarat

Urdhër-arrest i dytë për Mark Frroku, akuzohet nga Belgjika për vrasje

Urdhër-arrest i dytë për Mark Frroku, akuzohet nga Belgjika për vrasje

12:49 | 28/03/2015
Seksizmi si ana e dukshme e paaftësisë dhe papërgjegjshmërisë

Seksizmi si ana e dukshme e paaftësisë dhe papërgjegjshmërisë

19:09 | 18/03/2023
Buzëqeshja e Tristanit, një emblemë që do t’i mungojë qytetit

Buzëqeshja e Tristanit, një emblemë që do t’i mungojë qytetit

13:49 | 20/03/2023
Shqiptarët u përballën me rënie të ndjeshme të pagave më 2016

Paratë e drogës si faktor i mosrritjes së pagave

13:42 | 21/03/2023
Arrestohen drejtuesit e Bashkisë Bulqizë, falsifikuan 2.8 milionë euro tender

Arrestohen drejtuesit e Bashkisë Bulqizë, falsifikuan 2.8 milionë euro tender

11:16 | 16/03/2023

Gjykata liroi zyrtaren e akuzuar për mashtrim pasi fëmijët e saj ishin të trishtuar

15:47 | 21/03/2023
  • Analiza
  • Blog
  • Intervista
  • Investigime
  • Lajme
  • Opinion
  • Rajoni
  • Reportazhe
  • Vendi
  • Rreth nesh
  • Stafi
  • Kontaktoni
  • Ankesa dhe Korrigjime
  • Politika e privatësisë dhe rregulla të tjera
  • Pyetje të shpeshta
Follow Us

Të gjitha të drejtat janë të rezervuara
© 2014 - 2021 Reporter.al - BIRN
Dev by Aplikacione.com

Ska rezultat
Shiko të gjitha
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog

© 2022 Reporter.al - Dev by aplikacione.com.