Një grup kroatësh të goditur nga rritja e menjëhershme e vlerës së frangës ka programuar një protestë rruge në prill, për të kërkuar dorëheqjen e guvernatorit të bankës kombëtare .
Një OJQ kroate që u ngrit për të lobuar për të drejtat e njerëzve me kredi në frangën zvicerane lajmëroi të hënën protesta në rrugë në prill ndërsa bëri thirrje për heqjen e shefit të bankës kombëtare.
Lidhja Franak tha nëpërmjet një konference në shtyp se guvernatori i bankës kombëtare kroate, HNB, Boris Vujçiç, duhet të japë dorëheqjen.
OJQ tha se qeveria dhe HNB kishin dështuar të zgjidhin gjendjen e vështirë për njerëzit që kishin marrë kredi në frangën zvicerane – që janë bërë të vështira për t’u paguar pasi rritjes së vlerës së frangës.
“HNB nuk e dha informacionin që ne po kërkonim, ministria e financave po vonon negociatat dhe asnjë komunikimin i përbashkët nuk ekziston midis ministrive,” u ankua Kontrec një pjesëtar i OJQ.
Kjo e fundit i ka bërë thirrje anëtarëve të fillojnë të bëjnë gati shenja për protestat dhe të paguajnë tarifat, që të mund të financojnë protestën e tyre të parashikuar për 25 prill.
Protesta do të anulohet vetëm nëse qeveria dhe HNB-ja pranojnë kërkesën kryesore të OJQ, që është të konvertohen të gjitha kreditë e marra në franga në kunën kroate.
Vlera e frangës u rrit në janar pasi Zvicra shkëputi befas mbajtjen në një normë të fiksuar të shkëmbimit të monedhës së saj me euron.
Qeveria kroate vendosi të ngrijë normën e shkëmbimit me frangën për nj vit, për t’i dhënë autoriteteve një hapësirë për të zgjidhur çështjen në term afatgjatë.
Një grup pune që përfshiu edhe OJQ-në u takua disa herë në shkurt dhe mars, në përpjekje për të gjetur një zgjidhje, por pa sukses.
Pavarësisht se si Lidhja Franak dhe qeveria favorizuan në një rast ‘modelin hungarez’, që përfshin konvertimin e të gjithë kredive në monedhë të huaj në kredi me monedhë vendase, Vujçiç nga banka tha se kjo do të shkaktonte humbje të mëdha te rezervat e huaja të Kroacisë.
Sipas tij, konvertimi i të gjitha kredive në kuna do t’i kushtonte Kroacisë 7.8 miliard euro, 73 për qind të të gjithë rezervës në valutë të huaj, ndërsa shkëmbimi i kredive në frangë do të shkaktonte 3.2 miliard eruo, ose 30 për qind të rezervave.
