Agjencitë turke të lajmeve thonë se anëtarët e një grupi të majtë kanë marrë peng një prokuror në zyrën e tij brenda gjykatës.
Prokurori u identifikua si Mehmet Selim Kiraz. Ai është prokurori që investigoi vdekjen e një adoleshenti që u godit nga një bombë gazi e policisë gjatë protestave anti-qeveri në 2013. Djali vdiq pas 269 ditësh në koma.
Militantët e majtë kërkuan që oficerët e policisë që vranë adoleshentin Berkin Elvan të rrëfejnë krimin e tyre gjatë një transmetimi live dhe kërkuan hetimin e këtyre oficerëve ‘në gjykatën popullore’. Ata gjithashtu kërkuan rrëzimin e akuzave kundër atyre që morën pjesë në protestat në solidaritet me Berkin Elvan.