Kreu i partisë kryesore etnike shqiptare në Maqedoni u zotua për angazhimin e vazhduar të partisë së tij për paqen dhe dialogun gjatë një vizite në Kosovë.
Ali Ahmeti, kreu i partisë kryesore përfaqësuese e shqiptarëve në Maqedoni, Bashkimi Demokratik për Integrim, BDI, tha në një vizitë në Kosovë të martën se shqiptarët në Maqedoni kërkojnë një zgjidhje paqësore për problemet e vendit.
“Shqiptarët në Maqedoni duan të shohin një realizim të plotë të Marrëveshjes së Ohrit për Paqen që të ndihen si të barabartë mes shtetasve të tjerë”, tha Ahmeti, duke iu referuar marrëveshjes që i dha fund konfliktit të 2001 në vend.
BDI është një partnere në koalicionin qeveritar të kryesuar nga kryeministri Nikola Gruevski dhe partia e tij VMRO DPMNE.
Duke komentuar mbi pretendimet se ‘terroristët’ shqiptarë të lidhur me të ashtuquajturën Ushtria Çlirimtare Kombëtare, UÇK, ka sulmuar një rajon policor kufitar, Ahmeti tha se partia e tij po përpiqej të gjente një zgjidhje për të gjitha tensionet kombëtare.
“BDI do të jetë pjesë e një zgjidhje, jo pjesë e problemit,” tha Ahmeti, duke theksuar se e vetmja zgjidhje për shqiptarët në Maqedoni është të punojnë brenda Marrëveshjes së Ohrit.
Ministri i jashtëm i Kosovës, Hashim Thaçi, që mirëpriti politikanin e Maqedonisë, tha se Kosova gjithashtu mbështeste paqen në Maqedoni.
BDI është pasuesi politik i UÇK së shpërbërë.
Të martën e shkuar një grup prej 40 personash të armatosur dhe të maskuar me simbolet e UÇK mësynë në një rajon policie pranë Kosovës.
Policia e ka quajtur sulm terrorist dhe e ka nën hetim.
Disa ekspertë dhe ish-komandantë të UÇK kanë akuzuar autoritetet se kanë krijuar incidentin për të shpërqendruar publikun nga kriza e brendshme e vendit.