Presidentja Grabar Kitaroviç bëri një vizitë në memorialin në Bleiburg në Austri kushtuar trupave fashistë kroate dhe civilëve të vrarë nga forcat partizane jugosllave.
Ditën e premte, Grabar Kitaroviç bëri një vizitë të panjoftuar më parë në memprialin e Bleiburgut pranë kufirit austriak me Slloveninë, ku ajo vendosi lule dhe bëri homazhe e saj për mijëra ushtarë aleatë të nazistëve dhe civilët e vrarë nga partizanët pasi u larguan nga Kroacia.
“Fundi i Luftës së Dytë Botërore dhe fitorja mbi nazizmin, për të cilën populli kroat dha një kontribut të madh, shënoi fillimin e një prej kapitujve më tragjike në historinë kroate,” tha Grabar Kitaroviç në një deklaratë në faqen e saj zyrtare pas vizitës.
Në Bleiburg më 15 maj 1945, trupat nga Shteti nazist i Pavarur i Kroacisë, NDH, si dhe bashkëpunëtorë të tjerë gjermanë nga Serbia dhe Sllovenia, të shoqëruar nga civilët, iu dorëzuan trupave britanike dhe jugosllave.
Por, sipas historianëve kroatë, rreth 30,000 u kapën dhe u vranë nga trupat partizane, kryesisht në Tezno dhe vende të tjera pranë Sllovenisë, edhe pse kjo shifër është e diskutueshme.
“Vetëm disa muaj pas luftës, një numër ushtarësh të kapur dhe civilësh u vranë ose vdiqën nga torturat dhe lodhje. Numri i tyre i saktë nuk është përcaktuar, pasi viktimat përfunduan në qindra vende, në disa territore shtetesh, pa gjyq dhe pa një varrim të denjë,” tha Grabar Kitaroviç në deklaratën e saj.
Presidentja kroate gjithashtu vizitoi Teznon dhe Maceljin në kufirin Kroaci-Slloveni.
Ajo tha se kishte “një detyrim moral për të dënuar regjimin që persekutoi dhe vrau njerëz”.
“Një krim mbetet krim dhe kjo nuk mund të justifikohet me asnjë ideologji,” shtoi ajo.
Ajo vizitoi memorialin e Bleiburgut një ditë para 70-vjetorit dhe dy ditë para përkujtimores zyrtare në të cilën ajo pritet të marrë pjesë.
Kryeministri kroat Zoran Milanoviç dhe kryetari i parlamentit kroat Josip Leko do të bëjnë nderimet e tyre në Bleiburg dhe Tezno ditën e enjte.
Sipas qeverisë së qendrës së majtë të Milanoviçit, parlamenti kroat e përfundoi bashkë financimin e tij të përvjetoreve të Bleiburgut në vitin 2012 dhe u zhvendos në një përkujtimore të vogël në Tezno.
Shumica parlamentare, e udhëhequr nga Partia Social Demokrate e Milanoviçit, SDP, u shpreh se shumica e viktimave vdiqën në Tezno dhe se Bleiburgu ishte një vend ku në memoriale merrnin pjesë njerëz që vishen me uniforma të Ustashëve të NDH-së dhe brohorasin slogane pro-naziste.
