Imazhet e jetës së përditshme në kampet e azilkërkuesve në Gjermani.
Një shqiptar i larguar drejt Gjermanisë me synim marrjen e strehimit të përhershëm atje, dërgon për BIRN këto foto nga kampi i përkohshëm i qëndrimit për emigrantët që aplikojnë për azil në Berlin të Gjermanisë.
Për katër muajt e parë të këtij viti nga janari në prill, në Gjermani janë regjistruar 11,256 shqiptarë të Shqipërisë. Ministria e Brendshme e Gjermanisë ka bërë zyrtare se gjatë muajit prill ka marrë 4,794 aplikime për azil nga nënshtetasit shqiptarë, shifër kjo 59 për qind më e lartë se sa numri i aplikimeve në muajin mars, kur 3020 shqiptarë ëndërruan për leje qëndrimi në këtë vend. Shqiptarët u renditën për muajin prill në vend të parë si populli me numrin më të lartë të azilkërkuesve në Gjermani ndërkohë që në mars mbanin vendin e tretë.
