Kompania kroate Agrokor do vërë në funksionim së shpejti një platformë blerjesh online që synon të bëhet versioni rajonal i Alibaba-s së Kinës.
Një nga kompanitë më të mëdha të Kroacisë, Agrokor, specializuar në prodhimin e ushqimit dhe shitje, po lançon një rrjet rajonal blerjesh online që do funksionojë nga fundi i 2015 ose fillimi i 2016.
Duke funksionuar krah linjave shumë të njohura kineze të shitjeve online si Alibaba, A007 do të fillojë në Kroaci dhe më pas do të përhapet në pjesën tjetër të rajonit.
Ai do ofrojë shopping të personalizuar për produkte të caktuara, nga ushqimi te mallrat teknologjikë dhe pajisjet elektronike.
Alibaba u bë platforma më e madhe e online shopping në vitin 2015, duke i zënë vendin e parë Amazon. Alibaba ka zbuluar tanimë planet për të krijuar një qendër rajonale në Serbi.
Shefi i IT në Agrokor, Mate Krpan, të enjten tha se A007 nuk do të ofrojë vetëm produkte nga Konzum dhe Mercator, kompanitë e vetë Agrokor, por do ofrojë produkte edhe nga një rrjet i gjerë.
“Synimet janë të ofrohet një eksperienë e personalizuar shitjesh dhe të përfitohet nga infrastruktura që ka tashmë Agrokor, si logjistika e shpërndarjes,” tha Krpan.
Ai shpjegoi se kjo do të bëhet përmes kombinimit të të dhënave të klientëve me kontekstualizimin e marketingut me lidhjet në kanalet e shitjeve.
Përdoruesit do të mund të blejnë një produkt online dhe ta marrin atë në dyqanin më të afërt Konzum ose Mercator.
A007 u shpall për herë të parë në shkur nga shefi i kompanisë Ivica Todoriç. Agrokor ka investuar tashmë rreth 200 milionë euro në zhvillimi e teknologjisë se vet në dy vitet e fundit.
Një nga kompanitë më të mëdha në rajon, Agrokor është në një gjendje konstante zhvillimi, duke blerë kompani të ndryshme në rajon.
