Ministria e drejtësisë në Slloveni tha se politikani i Kosovës Ramush Haradinaj nuk do të ekstradohet në Beograd, pasi u arrestua në Lubjanë bazuar në një urdhër arresti serb për krime lufte.
Ministria sllovene e drejtësisë vendosi ditën e enjte se ish-komandanti i UÇK-së gjatë kohës së luftës dhe ish-kryeministri Haradinaj nuk do të ekstradohet në Serbi, pavarësisht se çfarë vendos gjykata sllovene në lidhje me urdhër arrestin që e akuzon atë për krime lufte gjatë konfliktit të vitit 1998-1999.
“Është shumë e rëndësishme që ministri i drejtësisë ka vendosur të mos lejojë ekstradimin e Haradinajt, edhe nëse gjykata e merr një vendim të tillë. Kjo është sepse të gjitha akuzat në urdhër arrest janë adresuar nga ana e Gjykatës së Hagës,” tha ministri i jashtëm slloven Karl Erjavec.
Në vitin 2012, Haradinaj u lirua nga akuzat për krime lufte nga Gjykata e Hagës. Por prokuroria serbe për krime lufte aktualisht po e heton atë në tri çështje, duke e akuzuar atë për vrasjen e të paktën 60 njerëzve.
Gjykata sllovene ka vendosur që Haradinaj, i cili u ndalua në aeroportin e Lubjanës ditën e mërkurë, duhet të qëndrojë në vend derisa të paraqesë “një ankesë në lidhje me mënyrën se si u zhvillua procedura e arrestimit për qytetarin e Kosovës”, reportoi agjencia sllovene e lajmeve STA.
Gjykata tha se vetëm pas kësaj do të merret në konsideratë çdo kërkesë për ekstradim.
Haradinaj ka këmbëngulur se urdhër arresti i vitit 2004 nuk është i vlefshëm.
Arrestimi i Haradinaj, u cili ka qenë për pak kohë kryeministër në vitet 2004-2005 dhe tani drejton partinë Aleanca për Ardhmërinë e Kosovës, ka zemëruar shumë njerëz në Kosovë, të cilët e konsiderojnë atë një hero për rolin e tij në luftën kundër forcave serbe.
Ditën e premte në mëngjes protestuesit u mblodhën për ditën e tretë me radhë para Ambasadës Sllovene, duke mbajtur pankarta me sloane si “Trup Sllovenisë!” Disa nga mbshtetësit e Haradinajt e kaluan natën jashtë ambasadës.
Mbështetës të klubit të basketbollit të Prishtinës, Plisat, hodhën shashka në ambientet e kompanive sllovene në Prishtinë të enjten, duke thënë se ata donin të digjnin “gjithçka që është sllovene”.
Albert Kastrati, kreu i Plisat, tha se “kjo do të vazhdojë derisa Ramushi të lirohet”.
Sulmet u kritikuan nga presidentja Atifete Jahjaga.
Ka pasur gjtihashtu reagime të forta në media sociale, me njerëz që postojnë fotot e kartave bankare të djegura të bankës “Ljubljanska Banka” dhe qumështin “Alpsko” të derdhur, duke bërë thirrje për një bojkotim të produkteve të tilla sllovene.
Parlamenti i Kosovës ndërkohë miratoi një rezolutë ditën e enjte duke bërë thirrje për lirimin e menjëhershëm të Haradinajt dhe kthimin e tij në Kosovë.
Parlamenti gjithashtu vendosi të dërgojë një notë proteste në Lubjanë, një lëvizje që shihet si e diskutueshme në një kohë që Kosova gëzon marrëdhënie të mira me Slloveninë.
Ministri i Jashtëm Hashim Thaçi i bëri thirrje parlamentarëve ta rimendojnë këtë gjë, duke thënë se “problemi është në Beograd, jo në Lubjanë”.