Milanoviç u shpreh se Zagrebi është gati të marrë një pjesë të 40,000 refugjatëve që kanë mbërritur së fundmi në Itali dhe Greqi.
Kryeministri kroat, Zoran Milanoviç, të enjten tha se vendi i tij është i gatshëm të pranojë një pjesë prej 40,000 refugjatësh, kryesisht nga Siria dhe Eritrea të cilët kanë mbërritur së fundmi në Greqi dhe Itali, të cilët Brukseli i do të shpërndarë nëpër BE.
Milanoviç e bëri ofertë përpara një samiti të BE të dominuar nga problemet e migracionit dhe krizës greke.
Komisioni Europian do të shpërndajë 40,000 refugjatë në vendet anëtare dhe rekomandon që të pranohen edhe një pjesë tjetër prej 20,000 njerëzish që aktualisht gjenden jashtë BE-së por që kanë mbrojtje ndërkombëtare.
Sipas këtij propozimi, Kroacia duhet të pranojë 747 refugjatë që gjenden në Itali dhe Greqi dhe 315 të tjerë që janë jashtë BE-së.
“Kroacia është e përgatitur për arse humanitare të pranojë një numër të vogël njerëzish, por ne nuk mund të shkojmë përtej kësaj”, tha Milanoviç pa përmendur shifra.
Më pak se 100 azilkërkues janë aktualisht në Kroacia, sipas Ministrisë së Brendshme dhe autoritetet i kanë dhënë vetëm 25 personave statusin e refugjatit vitin e shkuar, numri më i ulët për çdo shtet anëtar të BE përveç Estonisë.
Vitin e shkuar, ndërsa BE regjistroi rritje 44 për qind në kërkesat e azilit, Kroacia thotë se ka pësuar një rritje prej 58 për qind. Byroja e statistikave të BE, Eurostat, tha se një total prej 450 aplikime azili u dorëzuan në Kroaci në 2014. Italia priti 64,625 azilkërkues, ndërsa Hungaria 42, 775. Dy e treta e të gjithë kërkesave të azilit vitin e shkuar u bënë në vetëm katër shtete – Gjermani, Suedi, Francë dhe Itali.
Disa shtete të BE, përfshirë Britaninë, kanë thënë se nuk do pranojnë transferim të refugjatëve pasi kjo ide dhunon sovranitetin e tyre kombëtar dhe kontrollon kufijtë e tyre. Hungaria ndërkohë planifikon të ndërtojë një mur 4 metra me Serbinë për të ndaluar kalimin ilegal të kufirit. Rrugëtimi i migrantëve kalon nga Turqia në Maqedoni, Serbi dhe Hungari.
