Policia maqedonase tha se ka filluar një operacion të shkallës së gjerë në disa qytete përfshirë kryeqytetin për të arrestuar radikalët e dyshuar si islamikë.
Policia lajmëroi të enjten se operacioni që po vazhdon shënjestron anëtarët e dyshuar të Shtetit Islamik dhe bashkëpunëtorët e tyre.
Operacioni po kryhet në zonat Gazi Baba dhe Kair të Shkupit si dhe në qytete si Struga dhe Kumanova, ku disa njerëz u arrestuan. Kërkimet vazhdojnë në qytetin e Gostivarit dhe disa vende të tjera kudo në Maqedoni.
Policia ka lajmëruar se aksioni ka synim arrestimin e atyre që dyshohen se kanë marrë pjesë në luftërat në Siri dhe Irak dhe do u shpreh se do të jepte më shumë detaje pas mbarimit të operacionit.
Autoritetet lajmëruan gjithashtu se kishin hyrë dhe kërkuar në disa ndërtesa pranë një xhamie në Shkup, të cilat sipas tyre kishin qenë prej kohësh jashtë kontrollit të Komunitetit Fetar Islamik [maqedonas], IVZ”.
Media ka raportuar se një imam që nuk pranon autoritetin e IVZ është arrestuar, por kjo nuk është konfirmuar zyrtarisht. IVZ ka paralajmëruar besimtarët që të mos i bashkohen luftimeve në Lindjen e Mesme.
Kumanova ishte skenë e një mësymje dy-ditore në maj, midis militantëve shqiptarë dhe policisë, nga ku mbetën 22 viktima, tetë prej tyre oficerë. Detajet kyçe të incidentit janë ende të panjohur.
Rreth një e katërta e popullsisë maqedonase është me origjinë shqiptare, të cilët janë kryesisht myslimanë. Në vitet e fundit, mbi 10 shqiptarë që kanë shkuar për të luftuar në Siri janë vrarë.
