Autoritetet serbe ngritën një kamp tjetër pranë Preshevës për të përballuar fluksin e lartë me refugjatë nga Lindja e Mesme përgjatë fundjavës.
Kampi i ri u ndërtua në fshatin Miratovac, pranë qytetit të Preshevës, ku qendra e mikpritjes përbëhet nga një ish fabrikë duhani e rikonstruktuar.
Ministri i Brendshëm i Serbisë Bratislav Gasiv vizoi kampin të dielën dhe tha se rreth 5 mijë regugjatë qenë aktualisht të strehuar aty.
Gasic shtoi se shumë refugjatë po kalojnë nga Greqia dhe Maqedonia dhe se numri i atyre që mbërrijnë në Serbi pritet të rritet edhe më shumë.
Ai tha se situata përbën një sfidë serioze për buxhetin e Serbisë për shkak se vendi po shpenzon rreth 15 mijë euro në ditë për nevojat më minimale të refugjatëve. Ai tha se Beogradi ka nevojë për ndihmë nga BE për të strehuar refugjatët.
“Ne kemi organizim të mirë dhe të gjitha organizmat shtetërore po punojnë në unison për të strehuar refugjatët. Këto njerëz mund të ndjejnë sjelljen njerëzore të Serbisë kundrejt tyre dhe ne nuk kemi pasur as edhe një incident të vetëm pavarësisht numrit të madh të refugjatëve,” tha Gasic.
Kryqi i Kuq në Preshevë njoftoi të dielën se rreth 6 mijë deri në 8 mijë refugjatë kanë aplikuar në kampin e ri përgjatë 24 orëve të fundit. Refugjatët mund të marrin trajtim mjekësor, ushqim dhe ujë në këtë kamp.
Pothuase të gjithë emigrantët largohen për në Beograd me autobuzë të vënë në dispozicion nga agjencia e OKB-së për refugjatët UNHCR në mënyrë që të vijojnë udhëtimin e tyre drejt Hungarisë dhe vendeve të tjera anëtare të BE-së.
Disa nga parqet e Beogradit janë të mbushur me refugjatë të dëshpëruar të cilët kanë nevojë edhe për gjërat më minimale.
Aleksandar Vucic, Kryeministri i Serbisë, premtoi të mërkurën e kaluar se qeveria do të ndërtojë një qendër të përkohëshme mikpritjeje pranë kryeqytetit në mënyrë që të lehtësojë situatën e emigrantëve.
Autoritetet e Maqedonisë, të cilat po vuajnë nga numri i paprecedent i refugjatëve, shumica e të cilëve janë nga Siria, deklaroi gjendjen e jashtëzakonshme në kufirin jugor të vendit me Greqinë dhe dërgoi atje forca policore të enjten.
Pavarësisht kësaj, qindra njerëz çanë bllokadën e policisë në kufi dhe hynë në Maqedoni.
Të dielën, shumica e këtyre refugjatëve e kaluan Maqedoninë me trena dhe autobuzë, por shumë më tepër pritet të mbërrijnë nga Greqia.
UNHCR njoftoi të dielën se Greqia, Maqedonia dhe Serbia do të përballen me një valë tjetër masive refugjatësh gjatë ditëve të ardhëshme. Ajo i kërkoi autoriteteve greke dhe maqedone të bëjnë përpjekje shtesë në mënyrë që të organizojnë më mirë strehimin për refugjatët. Agjencia deklaroi gjithashtu se BE duhet të rrisë asistencën për Serbinë, Maqedoninë dhe Greqinë.