Kryeministri serb Aleksandër Vuçiç dhe homologu i tij shqiptar Edi Rama u zotuan të punojnë së bashku për të krijuar një zyrë bashkëpunimi rinor në Ballkan, e cila ka për qëllim përmirësimin e marrëdhënieve të tensionuara midis vendeve bë rajon.
Vuçiç dhe Rama thanë ditën e hënë se ata e mbështesnin idenë e nisur nga disa OJQ të rinjsh për të ngritur një zyrë rajonale për bashkëpunim rinor në Ballkanin Perëndimor bazuar në një nismë të tillë të ngjashme për të përmirësuar marrëdhëniet midis Francës dhe Gjermanisë pas Luftës së Dytë Botërore.
Rama tha se serbët dhe shqiptarët mund të bëjnë për Ballkanin atë që francezët dhe gjermanët bënë për Evropën në prag të Luftës së Dytë Botërore.
“Bashkëpunimi rinor ishte një nga instrumentet e atij procesi historik që solli formësimin e BE-së dhe ne e kemi vendosur këtë”, tha kryeministri shqiptar gjatë një debati televiziv i cili u transmetua në shtatë vende të Ballkanit të hënën në mbrëmje.
Vuçiç tha se ishte e rëndësishme që serbët dhe shqiptarët të bisedojnë, bashkëpunojnë dhe të bëjnë kompromise të ndërsjellta.
“Duhet të përpiqemi të kuptojmë se po flasim për dy popujt më të shumtë në Ballkan, shqiptarët dhe serbët,” u shpreh kryeministri serb.
“Nëse dikush mendon se kjo nuk është një arsye mjaftuesëm e rëndësishme që të fillojmë bashkëpunimin e menjëhershëm dhe të fillojmë të mendojmë se si do të duket në të ardhme shtylla kurrizore e marrëdhënieve në Ballkan, ai person nuk e kupton të ardhmen dhe nuk i ka sytë drejt saj,” shtoi ai.
Ideja për iniciativën u bazua në eksperiencat e Zyrës Rinore Franko-Gjermane e cila u themelua në vitin 1963.
Liderë nga Shqipëria, Bosnja dhe Hercegovina, Kosova, Maqedonia, Mali i Zi dhe Serbia nënshkruan një deklaratë mbi themelimin e zyrës rajonale për bashkëpunimin rinor gjatë Samitit të Ballkanit Perëndimor në Vjenë javën e kaluar.
Ajo është e vendosur të hapet zyrtarisht më 27 gusht 2016, gjatë Samitit të ardhshëm të Ballkanit Perëndimor në Paris, dhe do të financohet nga buxhetet e shteteve pjesëmarrëse dhe arkat e BE-së. Mënyra se si do të veprojë dhe programet që ajo do të drejtojë do të diskutohen gjatë vitit të ardhshëm.
Djordje Bojovic nga Nisma Rinore për të Drejtat e Njeriut, një nga nismëtarët e idesë, tha se mendonte se deklaratat mbështetëse të Vuçiç dhe Ramës ishin të sinqerta dhe përshëndeti faktin se vendet e Ballkanit do të financojnë zyrën.
“Është gjithashtu shumë e rëndësishme që do të ketë mbështetjen nga liderët rajonalë për ballafaqimin me të kaluarën dhe adresimin e temave të tilla të dhimbshme,” tha Bojovic.
Gjatë diskutimit të tyre televiziv të regjistruar më parë, Vuçiç dhe Rama diskutuan gjithashtu për ndeshjen e ardhshme kualifikuese të Euro 2016 midis Shqipërisë dhe Serbisë në Tiranë më 8 tetor.
Herën e fundit që ekpiet kombëtare të dy vendeve u takuan në fushë, në Beograd në tetor 2014, ndeshja u anulua kur në stadium shpërthyen përleshjet pasi një dron me flamurin e ‘Shqipërisë së Madhe’ u fluturua mbi stadium.
Rama tha se shpresonte se serbët do të vijnë në Tiranë për të parë ndeshjen.
“Zyra e bashkëpunimit gjithashtu do të jetë e përfshirë dhe ne do të ftojmë një numër të rinjsh nga Serbia, studentë, të marrin pjesë në këtë evnt,” tha ai.
Vuçiç tha se ai mund të vijë për ndeshjen në tetor.
Duke komentuar ndeshjen e braktisur të vitit të kaluar, e cila përkeqësoi edhe më tej marrëdhëniet midis dy vendeve, kryeministri serb tha: “Shkuam pothuajse drejt lufës për shkak të një topi. Por tani ne jemi këtu dhe po flasim për gjëra që s’i kishim imagjinuar kurrë se do t’i diskutonim ndonjëherë.”
