Refugjatët kanë të drejtë të shënjestrojnë shtetet e pasura të BE-së pasi ato e zhvatën Sirinë nga ‘thesaret’ në të shkuarën, thotë presidenti serb.
Në një vizitë në Kinë, presidenti Tomislav Nikoliç tha se shtetet e pasura të perëndimit duhet të marrin përgjegjësinë për të refugjatët që kërkojnë azil në Europë teksa ata i drejtohen shteteve që i kanë zhvatur për një kohë të gjatë.
“Përse duhet të vuajmë ne pasojat kur 90 për qind e azilkërkuesve kërkojnë azil vetëm në katër shtete në Europë?” pyeti ai.
“Muzetë në këto shtete kanë dinozaur dhe mamuthë. Ata nuk janë nxjerrë nga shtetet e tyre, saç kemi nxjerrë ne një dinozaur në Kostolaç. Jo, ata i kanë vjedhur ato… dhe njerëzit po kthehen për thesaret e tyre,” tha Nikoliç për agjencinë ruse të lajmeve Sputnik.
Nikoliç tha se BE-ja do të jetë në gjendje ta ndalojë valën e refugjatëve nëse investonte në Siri.
“Do të ishte më mirë nëse ndërtonin fabrik anë Siri që refugjatët të qëndronin në vend për një jetë më të mirë,” tha ai.
“Në këtë mënyrë, ata do të gjejnë një rrugë për t’u vendosur në Europë. Ata nuk do të shënjestrojnë Serbinë, sepse nëse qëndrojnë në Serbi planet e tyre nuk përmbushen,” shtoi ai.
Nikoliç vazhdoi të thoshte se refugjatët ndiheshin “të bekuar” kur shkojnë në Serbi nga Bullgaria anëtare e BE dhe se mendonte se BE-ja duhet të ndjekë shembullin e Serbisë.
“Ne nuk mund të përballemi vetëm me këtë problem. Ne kemi shumë probleme, por do të bëjmë më të mirën për të ruajtur kushtet njerëzore,” tha ai.
“Kam dëgjuar se kur ata njerëz mbërrijnë në Siri nga malet e Bullgarisë bërtasin “Mos na ktheni në Bullgari”! Kush e di se çfarë i ndodh atyre atje, në atë shtet demokratik, anëtar të BE-së, kur refugjatët reagojnë kështu,” përfundoi Nikoliç.