Dhjetëra mijëra studentë rumunë po largohen nga vendi për t’u arsimuar jashtë dhe nuk kanë plan për t’u kthyer në shtëpi, megjithëse një numër gjithnjë e më i madh të huajsh po studion në Rumani.
Rreth 5,000 studentë rumunë shkojnë jashtë shtetit çdo vit, kryesisht në Europën Perëndimore, të joshur nga standardet më të mira të edukimit, si dhe me shpresën e punëve dhe rrogave më të mira pas përfundimit të studimeve, sipas vlerësimeve.
Një studim nga Liga e Studentëve Rumunë që Studiojnë Jashtë Shtetit, LSRS, thotë se destinacionet kryesore janë Britania, Franca, Gjermania, Danimarka dhe Holanda.
Numri i rumunëve që po shkojnë jashtë shtetit është rritur në vitet e fundit, kryesisht që kur Rumania iu bashkua BE-së.
Rreth 22,000 deri në 50,000 studentë rumunë po studiojnë aktualisht jashtë shtetit. Numrat e tyre variojnë sipas vlerësimeve të ndryshme pasi nuk ka një organizatë që e studion këtë grup.
“Kam zgjedhur të studioj Shkencë Kompjuteri në Imperial College në Londën kryesisht prej kurrikulës më të mirë, që është më tepër e përqendruar në praktikë sesa ajo në Rumani,” thotë Mihai Bardu, i moshës 20 vjeç.
Ai mund t’i përballojë studimet në Angli pasi ka përfituar një Kredi Shkollore Britanike, me vlerë 9000 paundë në vit.
“Ndryshe jeta në Londër nuk është elirë. Më duhet të paguaj 600 paundë në muaj për kostot e jetesës, si qiraja, ushqimi dhe transporti,” thotë Barbu.
Për nxënësit e familjeve të kamura, studimi jashtë shtetit është po ashtu një zgjedhje shumë e përhapur.
Të diplomuarit e shohin një diplomë universiteti si një recetë kundër papunësisë. Ata gjithashtu shpresojnë që për një pagë mujore të paktën 1500 euro kur të kthehen në Rumani.
Kjo rezulton e vështirë për shumë persona, gjë që është arsyeja përse shumë prej tyre nuk kthehen.
Frika nga migrimi i trurit në Rumani ka ekzistuar për vite, sidomos në lidhje me studentët që po studiojnë jashtë dhe po qëndrojnë atje.
Ekspertët thotë se problemi është teprica e të diplomuarve në profesione të caktuara. Rumania nuk ka nevojë për shumë studentë të diplomuar në mësimdhënie, drejtësi, ekonomi apo menaxhim, ndërsa ka mungesë të punonjësve të tjerë.
Pavarësisht shumë reformave në vitet e fundit, sistemi arsimor i Rumanisë gjithashtu nuk po performon siç duhet. Por është interesante sepse një tjetër fenomen po shfaqet.
Një numër gjithnjë e më i madh studentësh të huaj, veçanërisht nga Izraeli, Franca dhe Greqia po studiojnë në Rumani, të joshur nga kostot e ulëta të jetës dhe shkollimit.
Shumica e 12,000 studentëve të huaj që studiojnë në Rumani aktualisht janë në degën e mjekësisë.
