Kosova dhe Serbia ranë dakord të martën mbi njohjen e diplomave të universitetit, për të cilën Kosova shpreson se do të përmirësojë perspektivat e punësimit të shqiptarëve etnikë në Serbi.
Kosova njoftoi të martën se kishte arritur një marrëveshje të re me Serbinë mbi njohjen e diplomave të lëshuara nga universitetet e njëra-tjetrës dhe nga nivelet e tjera të edukimit.
Delegacioni i Kosovës shpreson se nga marrëveshja do të përfitojë kryesisht komuniteti i shqiptarëve etnikë në jug të Serbisë, të cilët kanë vështirësi në gjendjen e punëve në bazë të diplomave të fituara në Kosovë.
Marrëveshja përfshin diplomat universitare dhe të shkollave të mesme, si dhe nivelin e pestë të kualifikimit bazuar në Kornizën Europiane të Kualifikimeve.
Delegacioni i Kosovës u udhëhoq nga Edita Tahiri, ministre pa portofol dhe Arsim Bajrami, ministri i arsimit.
“Marrëveshja për njohjen reciproke të diplomave do të ndihmojë në veçanti popullatën shqiptare që jeton në Luginën e Preshevës në [Serbinë jugore] e cili ka studiuar kryesisht në Kosovë dhe të cilët duhet të kthehen dhe … të ndihmojnë në zhvillimin e komunitetit shqiptar në [Preshevë] Luginë”, deklaroi zyra e shtypit të kryeministrit të Kosovës, Isa Mustafës.
Diplomat nga Kosova dhe Serbia do të certifikohen nga Asociacioni i Universiteteve Europiane, EUA, dhe të njihen më pas nga të dyja vendet në drejtim të arsimimit të mëtejshëm dhe të punësimit.
Delegacioni i Kosovës ka thënë se Serbia ka dështuar të respektojë një marrëveshje të mëparshme mbi diplomat, të arritur më 21 nëntor të vitit 2011.
Kjo marrëveshje përfundon periudhën e dështimit të njohjes së diplomave universitare nga ana e Serbisë , dhe [marrëveshja] kërkon njohje brenda një periudhe prej pesë muajsh të të gjitha diplomave të certifikuara nga EUA, e cila përfshin më shumë se 400 diploma të certifikuar që Serbia nuk ia doli të njohë deri më tani”, tha delegacioni.
Një mekanizëm supervizimi mbi marrëveshjen e mbërritur nga Kosova, Serbia dhe BE, përmban detyrimin për të raportuar, vlerësuar dhe përmirësuar zbatimin e marrëveshjes.
Ministri Bajrami gjithashtu kërkoi ndihmën e BE në zhbllokimin e shpërndarjes së teksteve shkollore të Kosovës, që mbeten në doganat në Preshevë, Serbi jugore.
Një marrëveshje u arritur më herët më 10 shtator gjë që e lejoi Prishtinën të furnizojë me tekste shkollore komunitetet shqiptare në Serbi ndërsa Beogradi do të bëjë të njëjtën gjë për serbët në Kosovë.
Bajrami tha të mërkurën se marrëveshje do të prishet nëse Serbia nuk lejon shpërndarjen e librave në shkollat shqiptare.
