Ardit Ferizi është arrestuar në Malajzi pasi akuzohet nga ShBA se i ka transferuar grupit terrorist ISIL, i njohur gjithashtu si Shteti Islamik dhe ISIS, informacione mbi ushtrinë dhe administratën Amerikane.
“Ardit Ferzi është një ‘hacker’ terrorist i cili i ka dhënë ndihmë materiale ISIL duke vjedhur informacione personale identifikuese të pjesëtarëve të ushtrisë së ShBA dhe punonjësve të qeverisë federale në mënyrë që të përdorej kundër tyre,” tha në njoftim për shtyp Zëvendës Prokurori i Përgjithshëm për siguri Kombëtare John P. Carlin.
“Ky është rasti i parë i këtij lloji dhe nëpërmjet procedimi penal në kërkojmë që Ferizi të mbahet përgjegjës për vjedhjen e informacionit dhe rolin e tij në shënjestrimin e punonjësve të qeverisë së ShBA nga ISIL. Ky arrest tregon vendosmërinë tonë për t’u përballur dhe shkatërruar përpjekjet e ISIL për të shënjestruar qytetarë Amerikanë në çdo lloj forme,” shtoi ai.
Në qoftë se shpallet fajtor Ferizi rrezikon një dënim me 35 vite burg.
Sipas akuzës penale, Ferizi i cili gjithashtu njihet me nofkën e “Th3Dir3ctorY,” është lideri një grupimi Kosovar ‘hackerash’ të quajtur Kosovo Hacker’s Security, KHS. Ai ka hyrë në mënyrë të paligjshme në kompjuterin e një kompanie me seli në ShBA dhe vodhi të dhënat personale të mijëra individëve. Më pas ai i dha ISIL të dhënat personale të 1,000 prestarëve të ushtrisë së ShBA dhe punonjësve të qeverisë federale në mënyrë që të përdoreshin kundër tyre.
Ferizi akuzohet se ja transferojë informacionin e vjedhur anëtarit të ISIL Junaid Hussain, i njohur gjithashtu si Abu Hussain al-Britani. Më 11 gusht 2015, në emër të divizionit të ‘hackerave’ të Shtetit Islamik, Hussain i poston të dhënat e vjedhura nga Ferizi në twitter.
Zyra e prokurorit amerikan thotë se ky postimi kishte për qëllim t’i jepte mbështetësve të ISIL në ShBA dhe në vende të tjera të dhënat personale të punonjësve të qeverisë Amerikane në mënyrë që të inkurajonte sulme terroriste kundër tyre.