Pas mbylljes së kufirit nga Hungaria, mijëra njerëz janë bllokuar nëpër pikat kufitare me Serbinë dhe Slloveninë ndërkohë që temperaturat janë ulur ndjeshëm dhe netët janë të ftohta e me shi.
Mijëra refugjatë u bllokuan nëpër pika kufitare mes Kroacisë dhe Serbisë, në pritje për t’u transportuar për në Sloveni ndërsa 10 mijë të tjerë, që janë duke ardhur nga Greqia, pritet të mbërrijnë gjatë orëve të ardhëshme.
Të dielën, rreth 5,200 refugjatë qenë në një kamp në Opatovac, Kroacia lindore pranë kufirit me Serbinë, duke pritur për transport drejt Slovenisë, disa qindra kilometra më në veti. Ky kamp refugjatësh ka një kapacitet prej vetëm 5 mijë njerëzish.
Arsyeja e bllokimi është se Slovenia deklaroi se do të pranojë vetëm 2,500 njerëz në ditë ndërkohë që numri i atyre që po hyjnë në Kroaci nga Serbia është mes 5 mijë dhe 6 mijë në ditë.
Pasi Hungaria mbylli të gjithë kufirin e vet me Kroacinë të premten në mesnatë, Kroacia vendosi të organizojë transportin e regugjatëve drejt kufirit me Sloveninë, ku ata mund të hujnë në zonën Shengen dhe të vijojnë udhëtimin në Gjermani dhe në Europën veriore.
Kryeministri i Kroacisë Zoran Milanovic tha të dielën se plani për të transportuar refugjatët po funksionon për momentin dhe se “çdo gjë është nën kontroll”. Ai shtoi se Kroacia po përgatitet për skenarë të tjerë gjithashtu.
Të shtunën, një grup prej 300 refugjatësh u morën me autobuzë drejt kufirit me Sloveninë dhe hynë në këtë vend. Më vonë, një tren me 1,200 mbërriti.
Autoritetet slovene ndërtuan një gardh të përkohshëm dhe vendosën policë në pikat kufitare me Kroacinë.
Ministri i brendshëm i Slovenisë Bostjan Sefic tha se vendi i tij do të pranojë refugjatë të rinj “vetëm kur ata janë sakaq të regjistruar”.
Kryeministri slloven Miro Cerar deklaroi se “për shkak se Slovenia është një vend tranzit, ajo do të vendosë rregulla më të rrepta në kufi nëse të njëjtat rregulla vendosen ga shtetet e tjera”.
Megjithëse ministri i brendshëm i Austrisë Johanna Mikl-Leitner të dielën deklaroi se vendi i saj mund të bllokojë kufirin për refugjatët, nuk ka ende të dhëna që refugjatëve t’u jetë refuzuar hyrja në këtë vend.
Vala e refugjatëve u transferua drejt Kroacisë pasi Hungaria mbylli kufirin me Serbinë më 15 shtator. Sipas Kroacisë, 197 mijë refugjatë janë hyrë që nga ajo kohë në Kroaci.