Një burrë me shtetësi bullgare, emri i të cilit nuk është bërë publik, u dënua me pesë vite burg për trafikimin e 20 migrantëve të gjetur në kamionin e tij.
Një gjykatë austriake ka dënuar një shtetas bullgar me pesë vite burg për trafikim personazh, raportoi Associated Press të mërkurën.
Gjykata në Linz e shpalli 41-vjeçarin bullgar fajtor për trafikim njerëzish pasi policia zbuloi 20 migrantë në kamionin e tij me frigorifer kur ata e ndaluan makinën në gusht 2015. Emri i burrit nuk u bë publik.
Policia tha se kishte gjetur 20 migrantë nga Siria, Irani dhe Afganistani teksa ndanin një hapësirë prej vetëm shtatë metrash katrorë në pjesën e pasme të kamionit. Policia e ndaloi kamionin pas një ndjekjeje.
Austria ka ndërmarrë një ngushtim të politikave mbi migrantët në javët e fundit, duke imponuar një kufizim ditor mbi njerëzit që lejon të hyjnë dhe ka inkurajuar shtetet e Ballkanit të bëjnë të njëjtën gjë.
Lëvizjet kanë zemëruar Gjermaninë fqinje, që kundërshton shtetet anëtare të BE-së që ndërmarrin veprime të njëanshme për të kufizuar valën e refugjatëve.
Në një rast tjetër, katër shtetas bullgarë u arrestuan në Hungari vitin e shkuar pasi dyshoheshin për përfshirje në trafikimin e 71 migrantëve, trupat e të cilëve u gjetën në një kamion të braktisur në Austri në fund të gushtit.
