Kryeministri i Kosovës, Isa Mustafa konfirmoi përmes një statusi se vëllai dhe familjarë të tjerë të tij kishin kërkuar azil në Gjermani vitin e shkuar.
Vëllai i kryeministrit të Kosovës Isa Mustafa, kërkoi azil për arsye shëndetësore, shkroi kryeministri në faqen e tij në Facebook, duke pranuar se akuzat publikuar së pari në një uebsajti lokal lajmesh ishin të vërteta.
“Është e vërtetë,” shkoi ai të dielën pasdite. “U informova pas faktit nga familja e vëllait se ai kishte kërkuar banim jashtë shtetit për të marrë trajtim mjekësor nga një sëmundje e vështirë, për të cilën ai nuk mund të gjente kurim në Kosovë”.
Rreth 100 mijë njerëz u larguan nga Kosova në fund të vitit 2014 dhe fillim të vitit 2015 me qëllimin e kërkimit të azilit në vende të BE-së. Në vitin 2013, 20,000 kosovarë aplikuan për azil në Europën Perëndimore. Në vitin 2014, numri shkoi në 40,000 dhe në vitin 2015, anëtarë të familjes së kryeministrit, bashkë me 72,695 kosovarë të tjerë kërkuan azil. Meqë Kosova është konsideruar një vend i sigurt origjine, pritet që të gjithë azilkërkuesit të kthehen.
Në statusin e tij në Facebook, Mustafa la të kuptohej se vëllai i tij kishte kaluar disa procedura mjekësore dhe se vazhdon të jetë në gjendje kritike. Ai gjithashtu pranoi se jo vetëm i vëllai, por edhe anëtarë të tjerë të familjes së tij kërkuan azil jashtë shtetit.
“Duhet të jem i hapur me ju se në valën e migracionit, mbesat dhe nipërit e mi gjithashtu u larguan dhe u kthyen. Kjo tregon se edhe të afërmit e mi ndajnë të njëjtin fat dhe shqetësim me shtetasit e tjerë kosovarë. Kjo është arsyeja që unë si kryeministër jam përfshirë për gjetjen e një zgjidhje, për liberalizim vizash, për të tërhequr investime për të krijuar vende pune, për përmirësim të sistemit shëndetësor që më pak shtetas të ndjejnë nevojën që kërkojnë kurim jashtë shtetit,” shtoi kryeministri.
Ai tha se ishte në dijeni të gjendjes së vështirë në të cilën ndodhen kosovarët dhe se do të vazhdojë të punojë për zhvillimin ekonomik dhe social të vendit, duke thënë se ishte përgjegjësia e tij “të gjente zgjidhje për shtetasit e tij”.
