Kryeministrat e shteteve të Ballkanit dënuan sulmet terroriste në Bruksel, ndërsa shtuan nivelin e sigurisë në vend për t’u mbrojtur nga sulmet e mundshme të ISIS.
Liderët e Ballkanit dënuan sulmet terroriste në Bruksel të martën dhe ngritën nivelin kombëtar të sigurisë.
Sulmuesit, që besohet të jenë pjesë e një rrjeti të Shtetit Islamik, ISIS, shpërthyen bomba në aeroportin e Brukselit dhe në një metro poshtë kryeqytet belg, duke vrarë në total të paktën 34 persona.
Kryeministri serb Aleksandër Vuçiç tha se besonte që Europa do të mund të përballej me sulmet e fundit terroriste por paralajmëroi se “lufta kundër kësaj çmendurie nuk do të jetë e lehtë… që do të demonstrimi që ne nuk kemi frikë është gjëja më e mirë që mund të bëjmë në këtë pikë,” tha Vuçiç.
Kryeministri bullgar Boyko Borisov iu bashkua ngushëllimit global, ndërsa shtoi se Europa nuk mund t’i integrojë ekstremistët myslimanë.
“Europa… është i vetmi kontinent që dëshiron t’i integrojë këta njerëz. Tani të gjithë ata që po ndihmojnë po bombardohen dhe kanë viktima,” tha ai në Sofje të martën, duke fajësuar politikat e jashtme “të shumë vendeve” për sulmet në kryeqytetin belg.
Duke diskutuar për kancelarin gjermane Angela Merkel dhe politikën e saj liberale të imigracionit ndaj refugjatëve sirianë, ai tha se njerëzit në BE “ishin të zemëruar me Merkelin ngaqë ishte shumë njerëzore me atë njerëz”.
Në një deklaratë më herët të martën, Borissov tha se Europa duhet t’i tregojë botës se nuk do ta lejojë terrorizmin të shkatërrojë qytetërimin e saj dhe shprehu solidaritetin me popullin belg.
Kryeministri kroat Tihomir Oreskoviç shprehu solidaritetin e tij me Brukselin dhe Belgjikën, e gjithashtu dënoi sulmet terroriste.
Oreskoviç ofroi ngushëllimet e tij për familjet e të vrarëve dhe uroi shërim të shpejtë për të plagosurit.
Policia në Shqipëri dhe Bosnje ndërkohë forcoi masat e sigurisë në aeroporte me qenë nuhatës antieksplozivë dhe njësi shtesë policie në aeroporte.
Kryeministri shqiptar, Edi Rama shkroi në profilin e tij në Facebook: “Bombat që mbjellin vdekje për të pafajshmit në zemrën e Europës do ta ringrenë Europën për ta fituar në emër të lirisë këtë luftë të re!
Tre persona nga Ballkani, dy shtetas serbë dhe një slloven ishin mes të plagosurve në shpërthimin e aeroportit në Bruksel. Gjendja e tyre përshkruhet si e qëndrueshme.