Rastet e raportuara të dhunës në shkolla janë trefishuar brenda vetëm një viti, thotë një organizatë e mbrojtjes së të drejtave të fëmijëve në Bullgari.
Rastet e dhunës fizike në shkollat bullgare thuajse u trefishuan në vitin shkollor 2014-2015 krahasuar me një vit më parë, thanë të martën grupi i të drejtave të fëmijëve, Rrjeti Kombëtar për Fëmijët.
“Nëse kishte 606 raste të regjistruara të dhunës në shkollat bullgare në vitin shkollor 2014-2014, më pak se një vit më vonë, numri i fëmijëve që kanë shfaqur dhunë u shtua me 174 për qind, në 1662,” tha Georgj Bogdanov, drejtor i rrjetit në një tryezë të rrumbullakët në parlament mbi dhunën nga dhe kundër fëmijëve.
Ai tha se agresioni shpesh nxitej nga alkooli dhe varësia nga droga, si dhe nga çrregullimet psikologjike.
“Dhuna është një nga problemet kryesore që fëmijët bullgarë hasin,” tha deputeti Doyka Marinska.
Shumica e aksidenteve janë të lidhur me vandalizmin -1603, pasuar nga tortura psikologjike, ku janë regjistruar 497 raste.
Rastet e dhunës së fëmijëve dhe prindërve ndaj mësuesve u llogaritën në 310 gjatë vitit të fundit shkollor, ndërsa fëmijët u cenuan 92 herë nga mësuesit.
2500 shkollat e vendit kanë vetëm 1080 psikologë dhe këshilltarë pedagogjikë, theksojnë ekspertët.
Njëkohësisht, grupi kombëtar i lëvizshëm i ndihmës psikologjike për shkollat që ndërhynte në rasstet e krizës apo dhunës, ndaloi së funksionuari në vitin 2014.
Kaloyan Damyanov, këshilltar i ministrit të arsimit, premtoi se ndërhyrjet mobile psikologjike do të rifillojnë më 1 maj.
Linja telefonike kombëtare për fëmijët, menaxhuar nga agjencia shtetërore për mbrojtjen e fëmijëve, ndërkohë ka regjistruar 108,852 telefonata në 2015, një numër rekord që nga lançimi në 2009.
Sipas ekspertëve, një nga problemet kryesore të sistemit të mbrojtjes së fëmijëve në Bullgari është mbledhja e të dhënave rreth fëmijëve viktima të dhunës, që është e copëzuar dhe e pamjaftueshme.
Të dhënat e fundit nga agjencia shtetërore për mbrojtjen e fëmijëve janë në 2013, kur 1973 raste dhune kundër fëmijëve u raportuan, kryesisht brenda familjes, por edhe nga familjet birësuese.
“Nuk ka të dhëna konkrete, por sipas OJQ-ve të ndryshme, çdo një nga tre gra bullgare kanë qenë viktima të dhunës familjare, që do të thotë se fëmijët e tyre e kanë dëshmuar dhunën,” tha avokatja e popullit, Maya Manolova.
Ajo theksoi se Bullgaria kishte vetëm 17 qendra të krizës për gratë dhe fëmijët që kanë qenë viktima të agresionit. kryeqyteti, Sofja, ka vetëm një qendër me tetë shtretër, shtoi Manolova.
