Mes shqetësimeve rreth reformave të papërmbushura, parlamenti maqedonas mbajti ditën e fundit të punës dhe do të shpërndahet përpara mesnatës për t’i hapur rrugë zgjedhjeve të parakohshme të 5 qershorit.
Shpërndarja e planifikuar i parlamentit maqedonas do të ndodhë të mërkurën mes ankimeve nga partitë më të vogla opozitare dhe OJQ-të se vendi nuk është ende gati të organizojë zgjedhje të lira dhe të drejta.
“Asnjë nga tre reformat kyçe të vëna nga BE dhe SHBA nuk është kryer,” tha kreu i OJQ-së Civil, Xhabir Derala.
Zgjedhjet e parakohshme, projektuar për t’i dhënë fund krizës së thellë politike në Maqedoni u caktuan fillimisht në prill. Megjithatë, ato u shtynë për 5 qershor pasi BE dhe SHBA vlerësuan se kushtet nuk ishin gati.
Vlerësimi i BE-SHBA tha se shqetësimet përfshinin pastrimin e listës zgjedhore, kontrollet në terren, një marrëveshje të reformimit të medias që do të raportonte në mënyrë të paanshme për zgjedhjet dhe masat për të ndarë aktivitetet partiake nga ato shtetërore.
Kreu i departamentit të KE për politikat fqinje dhe zgjerimin, Christian Danielsson, tha gjatë një vizite në Maqedoni të hënën se megjithëse kishte pasur progres, më shumë punë duhej bërë përpara se të mbaheshin zgjedhjet.
Me një marrëveshje mbi reformimin e medias dhe masave të ndarjes së aktiviteteve shtetërore dhe partiake, Komisioni Zgjedhor Shtetëror, DIK, ka lançuar një pastrim të listave zgjedhore, që besohet gjerësisht se përmban votues fiktivë.
DIK do të mbajë një seancë të hapur të mërkurën për të zbuluar rezultatet e pastrimit, që ka përfshirë kontroll me bazë të të dhënave në institucione dhe kontroll në terren.
Kriza në Maqedoni përshkallëzoi në shkurtin e vitit të shkuar kur Social Demokratët në opozitë filluan publikimin e përgjimeve të dyshuara se janë kryer nga kryeministri i atëhershëm Gruevski ndaj 20,000 personave. Gruevski e ka mbajtur pushtetin për rreth 10 vjet në Maqedoni.
