Hungaria po merr hapat e parë për të ndërtuar një barrierë përgjatë kufirit me Rumaninë në përpjekjen më të fundit për të kufizuar hyrjen e refugjatëve dhe migrantëve.
Hungaria ka filluar të bëjë matjet për një gardh të ardhshëm përgjatë kufirit me Rumaninë për të parandaluar refugjatët dhe migrantët nga hyrja në vend, sipas raportimeve të medias.
Javën e shkuar, specialistët vunë shenja të ndryshme në terren në një distancë prej 50 kilometra nga njëri-tjetri. “Duket se do të instalohet një gardh me tela me gjemba këtu së shpejti,” tha Antal Erzenyi, kryetari i fshatit Bedo në kufirin Rumani-Hungari.
Vendet fqinje kanë një kufi prej 250 kilometrash.
Budapest nuk ka konfirmuar zyrtarisht lajmin por më parë ka tënë se mund të ndërtohet një gardh “të nesërmen” nëse është i nevojshëm.
Vitin e shkuar, Hungaria ndërtoi gardhe në kufijtë e saj me Serbinë dhe Kroacinë në një përpjekje për të bllokuar një rrugë të mundshme për refugjatët dhe migrantët nga Lindja e Mesme.
Në një zhvillim të lidhur, muajin e shkuar Rumania pranoi 15 refugjatët e parë sipas një skeme rilokimi të BE-së. Ata janë akomoduar në qytetin lindor të Galatit, pranë kufirit me Moldavinë.
Në 2016 dhe 2017, Rumania ra dakord të pranonte 6205 refugjatë.
Rumania nuk është goditur nga vala e refugjatëve dhe migranëve që kaluan përgjatë Ballkanit në Gjermani dhe Europën veriore.
Vetëm 913 njerëz aplikuan për azil në Rumani vitin e shkuar, 12 për qind më shumë se 2014.
