Disa profesorë thonë se plani për të përfshirë historinë fetare në shkolla do të shkatërrojë vlerat laike të vendit – por kryeministri thotë se kjo do t’i “vaksinojë” nxënësit kundër ekstremizmit.
Disa mësues dhe pedagogë shqiptarë kanë kritikuar një nismë të qeverisë për të përshirë edukimin fetar dhe historinë si lëndë me detyrim në shkollat 9-vjeçare dhe ato të mesme.
Kryeministri Edi Rama ditën e dha këtë njoftim ditën e premte në një ceremoni që përkujtonte lindjen e Profetit Muhamed dhe Ministrja e Arsimit, Lindita Nikolla, e konfirmoi këtë gjë ditën e hënë.
Në një intervistë për televizionin Top Channel, ministri hodhi poshtë frikën se nisma mund të vërë në rrezik tiparin tradicional laik të vendit.
“Projekti pilot fillon në shtator dhe përfshin pesë shkolla 9-vjeçare dhe pesë shkolla të mesme. Po punojmë ende për përmbajtjen e librave dhe po marrim sugjerime nga Observatori France i Sekularizmit,” tha ajo.
“Dua t’i siguroj kritikët se këto nuk janë mësime fetare, por do t’i mësojnë nxënësit mbi historinë dhe kulturën e fesë,” vazhdoi ajo.
Por shumë mësues besojnë se nuk ka ndonjë ndryshim të madh midis mësimit të vetë fesë dhe të historisë së fesë.
“Duam t’i bëjmë thirrje ministres të mos nxitohet duke thënë se ata do të mësojnë kulturën e fesë dhe jo fenë,” tha Artan Fuga, dekan i Universitetit të Gazetarisë dhe Komunikimit në Tiranë.
Edmond Dragoti, një profesor psikologjie në Universitetin e Tiranës, tha për BIRN se edhe të flasësh për historinë dhe filozofinë e fesë në shkolla publike bie ndesh me kulturën laike të shtetit.
“Nuk e kemi gjithashtu luksin për të folur për mësim feje në shkollat tonë, kur institucionet tona arsimore ende nuk kanë kurrikulën e nevojshme shkencore,” shtoi ai.
Përfaqësues të besimeve fetare në Shqipëri e mirëpresin idenë dhe thanë për mediat se ata tashmë po i japin sugjerime Ministrisë së Arsimit mbi gjërat që duhen përfshirë në librat shkollorë.
Kryeministri Rama shprehet se nëse nxënësit mësojnë mbi fenë, ata do të jenë të mbrojtur nga propaganda ekstremiste dhe praktika që nuk kanë asgjë të përbashkët me fenë.
Por disa mësues shprehen se mungesa e një kulture fetare nuk është faktori më i rëndësishëm që i çon njerëzit drejt aktiviteteve terroriste.
“Argumenti se mësimi i fesë do të ndalojë terrorizmin nuk ka aspak kuptim. Faktorët më të rëndësishëm në nxitjen e ekstremizmit janë papunësia, mungesa e integrimit dhe një sistem gjyqësor ku të gjithë janë të barabartë,” tha Dragoti për BIRN.
