“Vendimi i Kroacisë për të mbyllur kampin e fundit të refugjatëve dhe për të transferuar disa refugjatë në qendra të mbyllura shkel të drejtën e lirisë së tyre,” thonë aktivistët e të drejtave të njeriut.
Autoritetet e Kroacisë do ta mbyllin kampin e fundit për refugjatët e Lindjes së Mesme të premten dhe do t’i transportojnë të mbeturit në kamp në qendrat e azilit dhe ato të paraburgimit në Zagreb dhe qytetin Kutina në Kroacinë qendrore.
Shumica po transformohen nga kampi në qytetin lindor kroat Slavonski Brod, te qendrat e hapura të azilit në Zagreb dhe Kutina, por 62 janë po transportohen në qendrën e paraburgimit në Jezevo, pranë Zagrebit.
Emina Buzinkiç, një aktivist nga Iniciativa “Mirë se vini”, një OJQ i tha BIRN se Jezevo ishte një qendër e mbyllur paraburgimi megjithëse zyrtarisht quhej një qendër pritjeje.
“Është një shkelje e ligjeve ndërkombëtare të njeriut për standardet e akomodimit të refugjatëve nëse ata futen në qendra të mbyllura ku njerëzit nuk lëvizin dot lirisht,” tha ajo.
“Çfarë do të ishte gjithashtu problematike, është futja e fëmijëve dhe të rriturve në dhoma të mëdha të përbashkëta, gjë që do t’i traumatizonte më tej,” tha ajo.
Buzinkiç tha se refugjatët dhe migrantët që kërkojnë mbrojtje ndërkombëtare nga konfliktet e armatosura në atdhe, duhet të lëvizin lirshëm.
Disa refugjatë kërkuan azil në kamp së fundmi që të shmangin deportimin, tha ajo.
Nga fillimi i krizës së refugjatëve në Kroaci në mesin e 2015, vetëm 157 njerëz kanë fituar azil në Kroaci, ndërsa 157 aplikuan për të.
“Fatkeqësisht, një pjesë e madhe e atyre që kërkuan azil do të ketë tani probleme sepse nëse e kanë kërkuar fillimisht në Kroaci, nuk mund të kërkojnë azil në asnjë vend tjetër të BE-së, sipas Protokollit të Dublinit. Disa prej tyre do të rrënohen mendërisht, ngaqë familjet e tyre janë tashmë në Gjermani,” shtoi ajo.
Ngaqë vendi nga ku kanë ardhur, Serbia, nuk do t’i pranojë mbrapsht, refugjatët e vendosur në Jezevo me gjasa do të deportohen në Greqi nga ku do të kalojnë në Turqi, sipas kushteve të marrëveshjes BE-Turqi. Disa mund të deportohen në vendin e tyre të origjinës.
Buzinkiç tha se depërtimet në Greqi dhe Turqi do të shkelnin gjithashtu të drejtat e refugjatëve në të dy vendet, veçanërisht në Turqi, që nuk konsiderohet vend i sigurt sipas standardeve ndërkombëtare.
“Ne mund ta shohim këtë nga numri i azilkërkuesve turq në botë, që lidhet me trajtimin e kurdëve dhe minoriteteve të tjera, përveç çështjeve të ndryshme,” përfundoi ajo.
Nga fillimi i krizës një total prej 658,000 refugjatësh dhe migrantësh kanë kaluar në Kroaci përgjatë rrugës për në Gjermani dhe Europën Veriore. Mbi 340,000 kaluan nga kampi Slavonski Brod që u hap më 1 nëntor.
