Kryetari i parlamentit në Maqedoni e caktoi zyrtarisht datën e zgjedhjeve të parakohshme më 5 qershor, pavarësisht paralajmërimeve të opozitës se nuk do të merrte pjesë në zgjedhje në këtë situatë.
Kryetari i parlamentit maqedonas Trajko Veljanoski të premten nënshkroi dokumentet për zgjedhjet e parakohshme në Maqedoni më 5 qershor – pasi partitë opozitare të drejtuara nga Social Demokratët, SDSM, thanë se nuk do të merrnin pjesë.
“Besoj se të gjithë pjesëmarrësit në proces do të kontribuojnë që zgjedhjet të mbahen në një atmosferë të qetë dhe demokratike,” shkroi Veljanovski në një deklaratë për shtyp.
Veljanovski nënshkroi vendimin në prani të televizionit kombëtar maqedonas.
Ai e bëri këtë pavarësisht faktit se opozita tha se nuk do të merrte pjesë në zgjedhje pasi parlamenti u shpërnda vetëm me praninë e partive qeverisëse.
Opozita thotë se reformat kyçe që janë pjesë e një marrëveshjeve të ndërmjetësuar nga BE-ja verën e shkuar për lirinë e medias, listat zgjedhore dhe mungesën e presionit te votuesit, duhet të vihen në vend të parë.
Kryetari e nënshkroi vendimin pas një nate të tretë protestash në kryeqytetin e Malit të Zi kundër vendimit të presidentit Gjorge Ivanov për të pushuar hetimet kriminale ndaj 56 politikanëve dhe partnerëve të tyre.
Lëvizja e presidentit shkaktoi zemërim dhe kritika dhe protestat në Shkup u kthyen në të dhunshme disa herë.
Pesë oficerë policie u plagosën dhe një protestues u arrestua në protestat në Shkup të enjten në mbrëmje, tha policia.
Në një intervistë për televizionin MRTV, të enjten, Ivanov tha se nuk do të tëhiqej nga falje, që sipas tij u dhanë për “interesin më të madh kombëtar”.
Ndërkohë partia kryesore në qeverisje, VMRO DPMNE tha se kishte propozuar dërgimin e një letre nga katër partitë kryesore që i kërkojnë Ivanov të tërhiqet nga vendimi i tij.
Opozita këmbëngul se lideri i VMRO DPMNE, Nikola Gruevski, është njeriu që fshihet pas vendimit kontrovers të presidentit për faljen.
Ish-kryeministri Gruevski u fal për pesë ndjekje penale ndërsa ish-ministri i transporteve Mile Janakieski dhe ministrja e brendshme Gordana Jankulovska, u falën për 16 dhe 11 ndjekje penale respektivisht.
Lideri i opozitës SDSM, Zaev u fal për dy ndjekje penale.
