Nata e tretë e protestave paralele anti-qeveritare dhe pro-qeveritare në Shkup, ku mijëra njerëz morën pjesën nga të dyja palët përfundoi paqësisht pavarësisht përplasjeve sporadike me policinë.
Mes pranisë së madhe të policisë në kryeqytetin maqedonas, dy grupet e protestuesve nuk u lejuan të afroheshin me njëri-tjetrin.
Protesta antiqeveritare organizuar nga shoqëria civile dhe fronti opozitar u nxitën nga vendimi surprizë i presidentit Gjorge Ivanov për të falur politikanët që përballen me akuza kriminale. Protestat filluan përballë parlamentit ku flamujt e Maqedonisë, Shqipërisë dhe Turqisë u valvitën së bashku.
Protestuesve iu bashkua kreu i opozitës Zoran Zaev, i cili kërkoi dorëheqjen e presidentit Gjorge Ivanov. Ai e akuzoi presidentin se po mbron politikanët e korruptuar nga ndjekja penale.
Ata gjithashtu përsëritën kërkesën e tyre që vendimi për faljen të revokohet në mënyrë që Prokuroria Speciale, e formuar si pjesë e marrëveshjes politike të ndërmjetësuar nga BE-ja për krizën, të mund të hetojë në mënyrë efektive krimin e nivelit të lartë.
Protestuesit brohoritën “Pa drejtësi nuk ka paqe”, “Liri për Maqedoninë” dhe “Mbaroi”.
Telashi filloi kur protestuesit u zhvendosën disa qindra metra larg, para selisë së partisë në pushtet VMRO DPMNE. Një grup i vogël filloi të hidhte fishekzjarre dhe gurë pranë policisë. Policia speciale rrethoi dhe shtypi të gjithë tubimin.
Pas një paniku të shkurtër, përleshja u qetësua dhe tubim u nda në disa grupe nga kordone policore, që zunë kryqëzimet kryesore të rrugës, duke mos lejuar protestuesit të rigrupohen.
Protestuesit e zemëruar ngadalë u larguan nga policia dhe e përfunduan protestën e tyre para ndërtesës së qeverisë, ku i bënë thirrje oficerëve të policisë dhe gardës të bashkohen me ta.
Tubimi tjetër, i përbërë nga mbështetësit e partisë kryesore qeverisëse VMRO DPMNE ishte organizuar nga lëvizja Qytetarët për Mbrojtjen e Maqedonisë, GDOM. Turma marshoi drejt selisë së Social Demokratëve të opozitës, por ata nuk u lejuan nga policia që të afrohen shumë.
Ata e quajtën kreun e opozitës “tradhtar” dhe “mercenar i huaj” dhe u zotuan të mbronin parlamentin nëse opozita përpiqet ta sulmojë.
“Askush nuk të të dëmtojë ty Nikola [Gruevski]”, bërtitën njerëzit në kundër-protestë.
Presidenti maqedonas Gjorge Ivanov shkaktoi zemërim të martën kur fali të gjithë politikanët që ishin në ndjekje penale, duke shkatërruar punën e Prokurorisë Speicale, që ka detyrë të hetojë akuzat për përgjim dhe krime të tjera.
Mbështetës të opozitës dhe qeverisë lajmëruan më shumë protesta në vazhdim.