Kadri Veseli, lideri i ri i partisë qeverisëse PDK, që është gjithashtu kryeparlamentar i Kosovës, e nxiti kryeministrin Isa Mustafa të ndërmarrë ndryshme të mëdha në qeveri.
Kadri Veseli, kryetari i ri i Partisë Demokratike të Kosovës, PDK, i ka bërë thirrje aleatit të tij bashkëqeverisës, kryeministrit Isa Mustafa, të “riformatojë” qeverinë, menjëherë pasi mori në dorë partinë.
“Në qoftë se Mustafa dëshiron të ndryshojë vetëm disa emra, këta mund të bëjmë shumë shpejt. Megjithatë, ne mbështesim konceptin e një riformatimi të gjerë,” tha të martën Veseli.
Të shtunën, pa pasuar përballë asnjë kandidat tjetër, Veseli, i cili është edhe kryetar i Kuvendit të Kosovës, u zgjodh kryetari i ri i PDK-së pa asnjë votë kundër.
Veseli ka vepruar si kryetar i partisë që kur lideri historik i PDK-së, Hashim Thaçi, dha dorëheqjen pasi u zgjodh President i Kosovës më 7 prill.
Thaçi gjithashtu dha dorëheqjen si zëvendëskryeministër dhe ministër i jashtëm, duke lënë dy poste të hapura për zëvendësim -por Veseli tha se qeveria ka nevojë për ndryshime më thelbësore.
Lidhja Demokratike e Kosovës, LDK e Musftafës dhe PDK-ja arritën një marrëveshje pas zgjedhjeve të përgjithshme të vitit 2014 në Kosovë, pas një krize politike gjashtë mujore gjatë së cilës Kosova nuk ishte në gjendje të formonte një qeveri të re.
Sipas marrëveshjes PDK-LDK, Mustafa u bë kryeministër me kusht që LDK-ja të ndihmonte në zgjedhjen e një presidenti të Kosovës nga radhët e PDK-së.
Të dy palët janë të balancuara. PDK-ja ka 35 vende në parlament, ndërsa LDK ka 33.
Veseli u zgjodh kryetar i Kuvendit të Kosovës në dhjetor të vitit 2014, pasi shërbeu si zyrtar i lartë i partisë PDK për disa vjet.
Ai më parë ka drejtuar organizatën e shërbimit të fshehtë, SHIK, e cila pushoi së ekzistuari, pasi u krijua Kushtetuta e Kosovës në maj të vitit 2008 me ndihmën e aleatëve të saj perëndimorë.
