Reporter.al
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog
Ska rezultat
Shiko të gjitha
  • Tema kryesore
  • Gjyqtare
  • Kolegji i Posaçëm i Apelimit
  • Prokurore
  • KPK
  • Gjykata e Apelit Tiranë
  • Mjedisi
Reporter.al
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog
Ska rezultat
Shiko të gjitha
Reporter.al
Fillimi Page Positions Artikull kryesor Lajme

Pesë të majtë dhe pesë të djathtë me precedentë penalë në parlament

Gjergj ErebaraNgaGjergj Erebara
14:54 | 20/05/2016
Në Artikull kryesor Lajme, Lajme, Në Fokus
Kohe leximi: 3 minuta
A A
2
Shpresat janë të pakëta për dekriminalizimin e politikës në Shqipëri

Ish kryeministri Sali Berisha, Kryetari i Kuvendit, Ilir Meta dhe Kryeministri Edi Rama, duke debatuar gjate një seance parlamentare, ku opozita ka bllokuar foltoren duke kërkuar dorëheqjen e Kryetarit të Kuvendit, Ilir Meta, pas akuzave te deputetit Tom Doshi më 5 mars 2015. FOTO: LSA / GENT SHKULLAKU

Share on FacebookShare on Twitter

Zbardhja e vetëdeklarimeve të deputetëve të Kuvendit të Shqipërisë zbuloi se dhjetë deputetë kanë qenë të akuzuar apo të dënuar më parë për vepra të ndryshme penale, ku Mhill Fufi i Partisë Demokratike rezulton se ka qenë dy herë nën hetim për “favorizim prostitucioni”. Disa deputetë duket se nuk kanë deklaruar akuzat për shpërdorim detyre.

Ish kryeministri Sali Berisha, Kryetari i Kuvendit, Ilir Meta dhe Kryeministri Edi Rama, duke debatuar gjate një seance parlamentare, ku opozita ka bllokuar foltoren duke kërkuar dorëheqjen e Kryetarit të Kuvendit, Ilir Meta, pas akuzave te deputetit Tom Doshi më 5 mars 2015. FOTO: LSA / GENT SHKULLAKU
Ish kryeministri Sali Berisha, Kryetari i Kuvendit, Ilir Meta dhe Kryeministri Edi Rama, duke debatuar gjate një seance parlamentare, ku opozita ka bllokuar foltoren duke kërkuar dorëheqjen e Kryetarit të Kuvendit, Ilir Meta, pas akuzave te deputetit Tom Doshi më 5 mars 2015. FOTO: LSA / GENT SHKULLAKU

Arben Ristani i Partisë Demokratike është dënuar si gjykatës në vitin 1994 me 5 muaj burg dhe një vit me kusht për akuzën “Dhënie e vendimit të Padrejtë”. Ristani ka sqaruar në formuluarin e tij se vepra penale për të cilën u akuzua është amnistuar pas vendimit të shkallës së parë dhe se po kjo vepër penale është konsideruar antikushtetues në vitin 2008. Ai ka kaluar i ndaluar 48 orë.

Alban Zeneli i Partisë Demokratike ka deklaruar dy dënime. Në vitin 1992, ai është dënuar me 6 muaj burg në Kukës për akuzën “Shkelje e Rregullave të Qarkullimit Rrugor” ndërsa në vitin 1996 është dënuar me 30 mijë lekë gjobë për akuzën “kundërshtim i punonjësit të policisë dhe prishje të qetësisë publike”.

Deputeti i Partisë Demokratike Mhill Fufi është zyrtarisht i padënuar sipas vetëdeklarimit të tij, por ka qenë tre herë i pandehur, dy herë për favorizim prostitucioni dhe një herë për pjesëmarrje në miting të paligjshëm. Hetimet ndaj tij për favorizim prostitucioni i përkasin viteve 2000 dhe 2001 dhe janë mbyllur me vendim për pushim hetimesh nga prokuroria e Kurbinit dhe ajo e Tiranës. Në të njëjtën mënyrë është mbyllur edhe çështja e pjesëmarrjes në ngjarjet e dhunshme të 14 shtatorit 1998 në Tiranë.

Deputeti Edi Paloka i Partisë Demokratike ka deklaruar dënimin e tij me gjobë nga Gjykata e Lartë për shpifje si dhe një dënim të vitit 2000 për tubim të paligjshëm.

Fatmir Mediu, ka deklaruar se ka qenë nën hetim në Milano, Itali më 1998 për “Pengim i forcave të policisë në kryerjen e detyrës”, ka marrë vendim pafajësie.

Deputeti i Lëvizjes Socialiste për Integrim Përparim Spahiu rezulton gjithashtu i padënuar, por ai ka qenë nën hetim në vitin 2009 nën akuzën “Kundërshtim të Punonjësit të Policisë”.

Armando Prenga i Partisë Socialiste i përjashtuar nga kjo parti vitin e kaluar pasi u akuzua se hapi zjarr dhe plagosi disa qytetarë, ka deklaruar vetëm problemet aktuale me drejtësinë, tre akuza, për armëmbajtje pa leje, plagosje e lehtë dhe kanosje. Prenga rezulton se ka ndërruar emrin. Ai ka qenë quajtur më herët Mondi Prenga.

Parid Cara nga Partia Socialiste, ka një dënim administrativ me gjobë nga një gjykatë në Itali për shkelje të Kodit Rrugor.

Pjerin Ndreu gjithashtu nga Partia Socialiste ka deklaruar se ka qenë nën hetim në vitin 2004 në Tiranë për përdorim me keqdashje të thirrjeve telefonike, por ka dalë i pafajshëm në gjykatë.

Tom Doshi, i zgjedhur nga Partia Socialiste dhe aktualisht deputet i pavarur pasi u përjashtua nga grupi parlamentar i kësaj partie vitin e kaluar, ka deklaruar se është dënuar me 1 vit burg nga një gjykatë ushtarake shqiptare në vitin 1990 për akuzën “Shkelje e padenjë në shoqëri”.

Politika shqiptare u përfshi nga debatet mbi pjesëmarrjen e personave me të shkuar të dyshimtë në jetën politike të vendit pas zgjedhjeve të vitit 2013. Një ish-deputet, Arben Ndoka, i cili dha dorëheqjen vitin e kaluar, ka një vendim të konfirmuar për trafik qeniesh njerëzore në Itali ndërsa një tjetër, Mark Frroku, është i akuzuar për vrasje dhe aktualisht në paraburgim.

Ligji “Për Garantimin e Integritetit të Personave që Zgjidhen, Emërohen ose Ushtrojnë Funksione Publike”, parashikon vetëdeklarimin e mbi 6 mijë zyrtarëve të niveleve të larta.

Mes kryebashkiakëve, pesë kryetarë bashkish, tre socialistë dhe dy demokratë deklaruan të shkuar me akuza dhe dënime. 

 

Linqe: Vetëdeklarimet

47 – arben ristani

71 – alban zeneli

131 – perparim spahiu

117 – mhill fufi

148 – tom doshi

114 – pjerin ndreu

154 – parid cara

108 – armando pregna

67 – fatmir mediu

Tjetri
Ish-studentja e “La Sapienza” sfidon politikën me një fermë dhish në Rubik

Ish-studentja e “La Sapienza” sfidon politikën me një fermë dhish në Rubik

Komente 2

  1. landi says:
    7 years më parë

    Te gjithe derrat nje turi kane????????????????

  2. Achilles Demetrius says:
    7 years më parë

    hahahaha paskan dale barazim eee????
    po ca jane keto lajme keshtu. Po keta sjane aliene, shqiptare jane, me familje, nena vellezer motra, eter kushurinj etj dhe sigurisht me parti politike. Ketu kemi njerin qe thote skam kriminele tjetri thote qe ka. Ky eshte thelbi. jo qe kane dale barazim.

Më të lexuarat

Shpresat janë të pakëta për dekriminalizimin e politikës në Shqipëri

Pesë të majtë dhe pesë të djathtë me precedentë penalë në parlament

14:54 | 20/05/2016
Shqetësime mbi transparencën e biznesit në Ballkan të Tony dhe Cherie Blair

Shqetësime mbi transparencën e biznesit në Ballkan të Tony dhe Cherie Blair

11:10 | 30/01/2023
Gjyqtarja Antonela Prendi jep shpjegime për burimet e pasurisë

Gjyqtarja Antonela Prendi jep shpjegime për burimet e pasurisë

17:24 | 26/01/2023
KPK konfirmon në detyrë gjyqtaren Antonela Prendi

KPK konfirmon në detyrë gjyqtaren Antonela Prendi

11:57 | 27/01/2023
Ndotja minerare rrezikon statusin e UNESCO-s për liqenin e Ohrit

Ndotja minerare rrezikon statusin e UNESCO-s për liqenin e Ohrit

18:02 | 22/01/2023
Aventura shqiptare e kryeagjentit të FBI

Aventura shqiptare e kryeagjentit të FBI

15:12 | 27/01/2023
  • Analiza
  • Blog
  • Intervista
  • Investigime
  • Lajme
  • Opinion
  • Rajoni
  • Reportazhe
  • Vendi
  • Rreth nesh
  • Stafi
  • Kontaktoni
  • Ankesa dhe Korrigjime
  • Politika e privatësisë dhe rregulla të tjera
  • Pyetje të shpeshta
Follow Us

Të gjitha të drejtat janë të rezervuara
© 2014 - 2021 Reporter.al - BIRN
Dev by Aplikacione.com

Ska rezultat
Shiko të gjitha
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog

© 2022 Reporter.al - Dev by aplikacione.com.