Grupet e të drejtave të grave pretendojnë se aktivistët anti-abort kanë mbështetjen e qeverisë së qendrës së djathtë në Kroaci dhe se po synojnë ngadalë të ndalojnë abortet në vend.
Një grup i të drejtave të grave në Kroaci thotë se lëvizjet për të kufizuar apo ndaluar abortet në vend gëzojnë mbështetjen e qeverisë së re të qendrës së djathtë të vendit.
Bojana Genov, nga Rrjeti i Grave të Kroacisë , tha për BIRN se OJQ-të dhe iniciativat e tjera qytetare që po përpiqen të kufizojnë ose shfuqizojë abortet gëzojnë mbështetje në qarqet qeveritare.
“Ne jemi të frikësuar nga vullneti politik i konservatorëve të krahut të djathtë që ka ardhur në pushtet , e cila është ‘disi’ e dakordësuar me dogmën fetare,” tha ajo.
“Ne jemi të shqetësuar nga të djathtët të cilët thonë se fillimisht do të ndryshojnë mentalitetin e njerëzve dhe më pas ligjin”, theksoi ajo.
Megjithatë, Genov tha se grupet për të drejtat e grave nuk janë shumë të shqetësuar nga vendimet e mundshme të gjykatës kushtetuese kundër abortit, sepse ndërprerja e shtatzënisë përmendet në dokumentet ligjore ndërkombëtare dhe në vendimet e të drejtave të njeriut pranë Gjykatës Europiane, si një e drejtë e çdo gruaje”.
Ligji aktual , i cili lejon abortin deri në javën e 10-të të shtatzënisë, u miratua në vitin 1978 në ish- Jugosllavinë socialiste dhe u trashëgua nga Kroacia, një vend ku 86 për qind e njerëzve e konsiderojnë veten katolikë.
Një apel kundër ligjit u paraqit në vitin 1991, pasi Kroacia u shkëput nga Jugosllavia , nga Ruzica Cavar , themelues i një OJQ-je konservatore të krishterë të quajtur “Lëvizja kroate për jetën dhe familjen”.
Gjykata Kushtetuese ka premtuar dhjetorin e kaluar të fillojë shqyrtimin e ligjit në vitin 2016.
Genov thënë se organizatat e të drejtave të grave dëshirojnë që kuadri ligjor ekzistues të mbrohet dhe të zbatohet çdo ditë në klinika dhe spitale.
Një numër i konsiderueshëm mjekësh në Kroaci refuzojnë të kryejnë aborte në spitalet publike, duke përmendur arsye të ndërgjegjes.
Në disa qytete, si Split , ku jetojnë rreth 180.000 qytetarë, vetëm disa mjekë janë ende të gatshëm të kryejnë abort .
Rrjeti i grave dhe organizatave të tjera mbajtën një protestë në Zagreb, për të kundërshtuar marshimin e organizuar nga grupet anti-abortit.
Sipas Organizatës Botërore të Shëndetit, pati 85 aborte për çdo 1000 lindje në Kroaci në vitin 2012, krahasuar me një mesatare prej 216 në BE.
