Cilat janë disa nga pasojat ekonomike të ndihmës së huaj në vendet e varfra gjatë ofrimit të saj dhe pas largimit? Laurent Belsie analizon.
Pasoja e ndihmës së huaj për zhvillimin, është subjekt i një debati të vazhdueshëm. Është e vështirë të përcaktosh pasojën e ndihmës ekonomike kur ndihma është një pjesë integrale e një ekonomie; ka pak ‘eksperimente’ në nivel të ndihmës së huaj.
Sebastian Galiani, Stephen Knack, Lixin Colin Xu dhe Ben Zou, autorë të Efekti i Ndihmës për Zhvillim: Prova të një Kuazi-Eksperimenti (NBER Ëorking Paper No. 22164), argumentojnë se ka pika në trajektoren e zhvillimit kombëtar në të cilën vala e ndihmës bie për shkak të rregullave që donatorët përdorin për të përzgjedhur vendet pritëse. Ata përdorin ndryshimet substanciale për të vlerësuar se si ndikon ndihma në zhvillim dhe arrijnë në përfundimin se ndihma ka një efekt substancial pozitiv.
Që nga viti 1987, Lidhja Ndërkombëtare për Zhvillim e Bankës Botërore ka përcaktuar pragjet e të ardhurave përtej të cilave secili vend konsiderohet në përgjithësi më pak në nevojë sesa vendet e varfra. Donatorë të tjerë të mëdhenj priren të ndjekin shembullin e Bankës Botërore dhe kështu pakësojnë financimet kur vendet arrijnë pragun e të ardhurave të Lidhjes Ndërkombëtare për Zhvillim. Ndihma e huaj e shteteve që e marrin atë si pjesë të të ardhurave bruto kombëtare bie në një mesatare prej 59 për qind me ta kaluar pragun.
Kërkuesit parashtrojnë se nëse prodhimi i brendshëm bruto (PBB) për frymë, bie pas tërheqjes së ndihmës, rënia mund të përdoret për të treguar zhvillimin në PBB që shtetet pësuan ndërsa përfitonin nga ndihma. Për 35 vende që kaluan pragun e Lidhjes Ndërkombëtare për Zhvillim nga viti 1987 në vitin 2010 – një grup që varion nga Kina te Peruja dhe India e Turkmenistani – ata përllogarisin se rritja me një për qind në normën e ndihmës te të ardhurat kombëtare bruto është e lidhur me një rritje prej rreth 0.35 për qind të PBB për frymë. Ata janë të kujdesshëm të theksojnë se ky është një efekt afatgjatë dhe se pasojat afatgjata të ndihmës për zhvillim janë të vështira për t’u matur.
