Kryeministri i Rumanisë, Dacian Ciolos ka vendosur të ndryshojë katër ministra në kabinetin e tij, duke thënë se qeveria duhet të arrijë më shumë rezultate.
Qeveria teknokratike rumune e kryeministrit Dacian Ciolog ndërmori ndryshime të mëdha të mërkurën, ku katër ministra u zëvendësuan për ta bërë kabinetin më efikas.
Ciolos po ndryshon ministrat e transportit, komunikacionit, arsimit dhe ministrin e emigrantëve, pasi secili prej tyre kishte një portofol me telashe dhe kishte tërhequr vëmendje negative për shkak të deklaratave kontroverse.
“Ministrat që ndryshova e kanë bërë kryesisht punën… por unë dua një vrull të ri. Prioriteti i ministrave të rinj do të jetë të përshpejtojnë rezultatet e projekteve që janë filluar por nuk kanë përparuar aq shpejt sa duhet,” tha Ciolos.
Ish-menaxheri i Renault, Sorin Buse, do të jetë ministri i ri i raportit dhe Mircea Dumitru, Rektori i Universitetit të Bukureshtit, do të marrë përsipër Arsimin.
Dragos Tudorache u propozua si ministër i komunikacioneve ndërsa në krye të rumunëve që jetojnë jashtë vendit do të jetë Maria Ligor, ambasadorja aktuale në Kanada.
Ciolos tha mes të tjerave se Rumania ka nevojë të përshpejtojë ndërtimin e autostradave të papërfunduara dhe të përqendrohet më tepër në formimin e shkollave dhe kërkimin në arsim.
Qeveria teknokratike, një përzierje e ekspertëve, diplomatëve dhe aktivistëve të shoqërisë civile, u formua nëntorin e shkuar pasi qeveria e drejtuar nga Social-Demokratik Viktor Ponta u rrëzua.
Ai u dorëhoq pas protestave masive që pasuan një zjarr në një klub nate ku mbetën të vdekur 63 ë rinj. Administrata e Ciolos do të drejtojë Rumaninë deri në zgjedhjet e ardhshme në dhjetor.