Ushtria turke raportohet se ka bllokuar pikat kycce të qyteteve më të rëndësishme turke në Stamboll dhe Ankara në atë që raportohet se është një grusht shteti. Situata mbetet e paqartë.
Ora 24.21
Ushtria turke deklaroi të premten se ka marrë pushtetin në vend, por presidenti Tayyip Erdogan deklaroi se përpjekja për grusht shteti do të mposhtet.
Nëse do të dalë me sukses, përpjekja për rrëzimin e Erdigan, i cili ka qeverisur Turqinë që nga viti 2003, do të jetë një nga ndryshimet më të mëdha në Lindjen e Mesme në shumë vite, raporton Reuters, duke transformuar aleatin më të madh të SHBA-së në këtë rajon ndërkohë që lufta gjendet në kufijtë jugorë dhe juglindorë të këtij vendi.
Presidenti i Turqisë duket se u detyrua të flasë përmes Skype në televizionin CNN të Turqisë pasi televizioni publik i Turqisë mësohet se është mbyllur nga ushtarakët. Erdogan bëri thirrje që mbështetësit e tij të dalin në protesta.
Pamjet televizive të publikuara në CNN treguan njerëz që dilnin në protestë kundër ushtarakëve që kishin bllokuar urat mbi Bosfor, ndërkohë që në sfond dëgjoheshin të shtëna të shumta dhe protestuesit vraponin në panik.
Aeroportet e vendit janë mbyllur ndërsa aksesi te media sociale është ndërprerë. Avionë lufte dhe helikopterë raportohet se fluturuan në Ankara.
Ushtarakët raportohen se morën kontrollin e televizionit publik TRT dhe shpallën ligjin e luftës në të gjithë vendin, duke ndaluar teorikisht njerëzit që të dalin në rrugë. Në një deklaratë të lëshuar nga një grup ushtarakësh, ata akuzuan Erdogan se po gërryente sistemin demokratik dhe laik të Turqisë dhe se vendi do të drejtohej tani nga një “këshill paqeje”.
Turqia ka një histori grushtesh shteti të organizuara nga ushtria, e cila e konsideron veten si garantuese të traditave të Mustafa Kema Ataturkut dhe që synojnë ta mbrojnë vendin si nga komunizmi, ashtu edhe nga islamizmi.
Ora 23.00
Kryeministri i Turqisë Binali Yildirim deklaroi sonte se elementë të ushtrisë turke janë përpjekur të rrëzojnë qeverinë ndërsa agjencia Reuters deklaroi se ushtria e Turqisë ka lëshuar një deklaratë ku shkruhet se ajo ka marrë kontrollin e vendit. (Vijon)
Ora 23.30
Ministria e Punëve të Jashtme të Shqipërisë deklaroi në Twitter se po e ndjek situatën me vëmendje dhe i bëri thirrje qytetarëve shqiptarë në Turqi të qëndrojnë brenda shtëpive apo hoteleve si dhe të informojnë familjarët e miqtë mbi situatën e tyre.
Ora 14.26
Ora 12.44, 16 korrik 2016
Përleshje mes mbështetësve të Erdogan dhe ushtrisë në Stamboll dhe Ankara.
Mbështetës të presidentit të Turqisë Erdogan u përleshën me ushtrinë ndërkohë që kjo e fundit duket se hapi zjarr në Stamboll, ku mijëra njerëz kanë dalë në rrugë pas lajmeve për grusht shteti të ndërmarrë nga një grup ushtarakësh. Fotot e agjencisë së lajmeve Anadolu paraqesin njerëz që raportohet se janë mbështetës të Erodgan ndërsa përballen me forcat ushtarake në mjete të blinduara.
Ora 1.12, datë 16 korrik 2016
E paqartë se kush e organizoi grushtin e shtetit
Profesor Omer Taspinar, nga Instituti Brookings i cili pati paralajmëruar në mënyrë të përsëritur gjatë muajve të fundit për rrezikun e një grushti shteti në Turqi, tha se pyetja kyçe aktualisht është se në cilat nivele dhe çfarë përmasash brenda ushtrisë turke është organizuar grushti i shtetit.
“Situata është shumë fluide. Pyetja aktualisht është nëse tentativa për grusht shteti është nga komanda më e lartë, apo qe në nivel kolonelësh apo në nivel oficerësh. Është e paqartë nëse grushti erdhi nga segmente të caktuara të ushtrisë. Lajmet aktualisht flasin se është kjo e fundit. Shefi i shtabit të ushtrisë nuk ka folur ende siç ka ndodhur tradicionalisht me grushtet e shtetit në Turqi, kur kreu i ushtrisë zakonisht del në televizor për të deklaruar se ka marrë komandën,” tha ai.
Ora 1.55 datë 16 korrik 2016
Mijëra turq sfidojnë grushtin e shtetit
Obama dhe NATO mbështesin qeverinë e Turqisë
Mijëra turq dolën natën e sotme në rrugët e qyteteve më të mëdha të vendit duke sfiduar një grusht shteti që duket se është organizuar nga një pjesë e ushtrisë turke. Megjithëse ushtarakët pas grushtit të shtetit deklaruan ndalim qarkullimi, shumë mbështetës të presidentit Erdogan e sfiduan urdhërin dhe u përballën me ushtarët, të cilët në disa raste raportohet se hapën zjarr ndërsa në disa raste të tjera qëndruan pasivë para zemërimit të njerëzve.
Me kalimin e orëve, ushtarakët pas grushtit të shtetit u përballën me diplomacinë botërore e cila deklaroi mbështetjen për qeverinë dhe institucionet e Turqisë. Presidenti i SHBA-ve Barack Obama deklaroi se “të gjitha palët në Turqi duhet të mbështesin qeverinë e zgjedhur në mënyrë demokratike të Turqisë”.
Pak më vonë, sekretari i përgjithshëm i NATO-s Jens Stoltenberg bëri thirrje për “respektim të plotë” të institucioneve demokratike dhe kushtetutën e Tuqisë.
Në deklaratë, Stoltenberg tha: “Sapo fola me Ministrin e Jashtëm të Turqisë Mevlut Cavusoglu. Po i ndjek zhvillimet në Turqi nga afër dhe i shqetësuar. Bëj thirrje për qetësi, vetëpërmbajtje dhe respektim të plotë të institucioneve demokratike të Turqisë dhe kushtetutës së vendit…. Turqia është një aleat i çmuar i NATO-s.”
Faktori ndërkombëtar ka qenë i shqetësuar gjithnjë e më shumë gjatë viteve të fundit nga sjellja autoritariste e presidentit Erdogan, i cili është akuzuar për shkelje të të drejtëve të njeriut, burgosje të kritikëve dhe mbyllje me dhunë të gazetave kritike.
