Katër partitë kryesore në Maqedoni po caktojnë personat që do të mbajnë pozicionet e reja në ministritë dhe drejtoritë e përgjithshme në vend, ndërsa Maqedonia përgatitet të mbajë zgjedhjet në dhjetor.
Katër rivalët kryesorë të skenës politike të Maqedonisë do të formojnë një qeveri të përkohshme të premten përpara se të ratifikohen zgjedhjet e planifikuara në dhjetor.
Kreu i socialdemokratëve, SDSM, Zoran Zaev, njoftoi emrat e ministrave të rinj të partisë së tij, të cilët do të marrin përsipër poste ministrore.
Partia tha ministri i ri i brendshëm do të jetë Oliver Spasovski, ndërsa ministrja e punës do të jetë Frosina Remenski.
Kire Naumov, Aleksandar Kiracovski dhe Lupço Nikolovski do të jenë zëvendës ministrat e financave, administratës dhe bujqësisë.
Pozicionet e tjera ministrore do të vazhdojnë të mbahet nga të njëjtit njerëz nga partia në pushtet VMRO DPMNE dhe Bashkimit Demokratik për Integrim, BDI, partia etnike shqiptare.
Formimi i qeverisë së përkohshme vjen pasi udhëheqësit e katër partive kryesore ranë dakord të martën që zgjedhjet e përgjithshme të shtyra dy herë tashmë, të mbahet më 11 dhjetor.
Një ditë para emërimit të qeverisë së përkohshme, ministri i brendshëm Mitko Cavkov nga VMRO DPMNE dha dorëheqjen nga posti i tij dhe parlamenti votoi ministrin e ri, Oliver Andonov.
Cavkov do të bëhet drejtori i ri i Zyrës së Sigurimit Publik, një post që ai nuk ishte në gjendje ta mbante nëse do të ruante postin e tij në ministri.
Në bazë të marrëveshjes mes katër liderëve të partive, zyrtarët të cilët mbanin poste ministrore automatikisht do të emërohen zëvendësministra në kabinetet e SDSM.
VMRO DPMNE prezantoi ndryshime të tjera në polici para dorëzimit të ministrisë te SDSM, ku kjo e fundit e akuzoi qeverinë se po përpiqej t’i pengonte punën. Partia e Gruevskit u përgjigj se po përpiqej të shmangte nepotizmin në radhët e ministrive që mban opozita.
Pasi zgjedhjet e përgjithshme parlamentare u shtynë dy herë këtë vit, liderët e katër partive kryesore më në fund ranë dakord për votime më 11 dhjetor, pasi pranuan se të gjitha kushtet për zgjedhje të lira dhe të ndershme ishin plotësuar.
Zgjedhjet e reja të përgjithshme shihen si kyçe për t’i dhënë fund krizës politike dy-vjeçare të vendit.