Temperaturat nën zero kanë ngrirë pjesërisht pas tre dekadash liqenin e Shkodrës, më të madhin në Ballkan, duke ofruar një panoramë magjike dhe të pazakontë.
Temperaturat ekstreme në vend kanë ofruar panorama të pazakonta në Shqipëri, që nga dëbora pas 32 vitesh në Tiranë deri te imazhet e dëborës në vijën bregdetare në qytete si Saranda dhe Durrësi.
I ftohti siberik në Shkodër ka ngrirë pas tre dekadash liqenin e Shkodrës në disa pjesë si në Shirokë dhe Zogaj, fenomen që ka bllokuar përkohësisht lëvizjen me varka të peshkatarëve.
Këto janë fotot magjike të liqenit më të madh të Ballkanit i zbardhur nga ngrica.