Protesters shout slogans outside the government headquarters in Bucharest, Romania, Sunday, Jan. 29, 2017. Some 10,000 people marched through Romania’s capital and other cities on Sunday to protest a government proposal to pardon thousands of prisoners, a move critics said would set back anti-corruption efforts. (AP Photo/Vadim Ghirda)
Jehona e protestave masive anti-korrupsion në Rumani po dëgjohet në të gjitha vendet e Ballkanit, ku liderët e opozitës dhe aktivistë të shoqërisë civile shpresojnë të kapin të njëjtin shpirt rezistence.
Njerëzit kudo në Ballkan kanë përdorur median sociale për të treguar solidaritet me protestën masive anti-qeveritare në Rumani – por gjithashtu për të shprehur keqardhjen që populli i tyre nuk bën të njëjtën gjë.
Ndikuar nga ngjarjet në Rumani, opozita në Shqipëri planifikon të mbajë një protestë antiqeveritare më 18 shkurt, duke e akuzuar qeverinë për korrupsion dhe se ka lidhje me krimin e organizuar.
Tubimet anti-korrupsion të Rumanisë kanë frymëzuar qartazi liderin e opozitës Lulzim Basha i cili shkroi në Facebook gjatë fundjavës ku shpërndau një video të qindra mijëra rumunëve që protestonin.
“Një shembull i kurajës popullore të shtetasve rumunë. Më 18 shkurt ne do të qëndrojmë të bashkuar në Tiranë,” lajmëroi ai.
Megjithatë ka dyshime nëse opozita shqiptare mund të barazohet me shpirtin rumun të protestave.
Në një kohë kur reforma në drejtësi është një çështje e rëndësishme në Shqipëri, disa analistë besojnë se ky duhet të jetë fokusi i shqetësimit të shqiptarëve.
Ata kërkojnë për rezistencë ndaj gjyqtarëve dhe prokurorëve që po vënë në pyetje reformën në drejtësi që pritet të zbatohet.
“Larg Rumania, gjyqtarët dhe prokurorët në Shqipëri që kanë kapur sistemit po bëjnë të njëjtën gjë [dekriminalizim të korrupsionit]. Ata nuk e duan reformën sepse ata dhe politikanët e tyre të mbrojtur mund të ndëshkohen,” shkruhej në një editorial të portalit TemA.
Rreth 600,000 rumunë protestuan në kryeqytetin Bukuresht dhe në qytete të tjera të dielën kundër një dekreti që do të mbronte zyrtarët nga ndjekja penale mbi disa akuza korrupsioni.
Protestat në rrugë kanë qenë të një shkalle që nuk janë parë që nga rënia e liderit komunist Nikolai Çaushesku në 1989.
Protesta të reja priten të martën, teksa protestuesit kërkuan dorëheqjen e qeverisë së social demokratëve dhe zgjedhje të parakohshme, pasi thanë se nuk kishin besim te vullneti i mirë i qeverisë.
Aktivistët në Bullgari mbajtën një protestë përpara ambasadës rumune në Sofje të dielën në solidaritet me protestat anti-korrupsion në rumani, ndërsa njerëzit mbanin flamuj bullgarë dhe rumunë dhe posterë ku lexonin “Rumania, Bullgaria, ju mbështesin” dhe “Të bashkuar kundër korrupsionit”.
Mijëra rumunë dërguan mesazhe dhe foto mirënjohje për gjestin e solidaritetit të bërë nga fqinjët e tyre.
Në Serbi, Mal të Zi dhe Bosnje, protestat në Rumani janë pritur me admirim, duke bërë thirrje për protesta në vendet e tyre kundër korrupsionit, krimit të organizuar dhe gjendjes së keqe të ekonomisë.
Në Malin e Zi, një nga liderët kryesorë të opozitës, Nebojsa Medojeviç, tha se rumunët kanë treguar një nivel të madh kulture politike dhe gatishmëri për të mbrojtur interesat publikë sesa shtetasit në Malin e Zi.
Në Bosnje, kreu i delegacionit dhe përfaqësuesi special i BE-së, Lars-Gunnar Ëigemark, shkaktoi debat kur iu referuara protestave anti-korrupsion në Rumani dhe shkroi: “Dhe kur do të ndodhë kjo në Bosnje?”
Në Serbi, analistë të shoqërisë civile dhe gazetarë përdorën median sociale për të mbështetur protestuesit dhe për të shprehur keqardhje që vendi i tyre nuk ka të njëjtin shpirt rezistence.
Portali serb i satirës Njuz.net shkroi një artikull ironik të titulluar: “Shtetasit e Serbisë i kërkojnë rumunëve të protestojnë me zë pak të ulët se i shqetëson zhurma”.
“Shumica e shtetasve në Serbi, të lodhur nga një natë tjetër pa gjumë, dërguar një protestë te rumunët që po bëjnë shumë zhurmë, duke protestuar kundër qeverisë së tyre nëpër të gjithë Rumaninë,” shkruhej në të.
