Platforma e përbashkët e shqiptarëve të Maqedonisë – e cila është një kusht paraprak për hyrjen e secilës prej tyre në qeverinë e re – rrezikon të zhbëhet për shkak se partitë nënshkruese kanë filluar grindjen.
Partitë etnike shqiptare të përfshira në organizimin e një tryeze të rrumbullakët të udhëheqësve shqiptarë, që synon të bëjë përmbushjen e objektivave të deklaratës së përbashkët të partive, kanë shkëmbyer akuza faji për dështimin e saj për të marrë formë.
Vetëm Ali Ahmeti, lideri i Bashkimit Demokratik për Integrim, BDI, dhe partitë që përbëjnë Aleancën për Shqiptarët u paraqitën të shtunën në takimin e thirrur nga Ziadin Sela, kryetar i Lëvizjes për Reforma – Partive Demokratike e Shqiptarëve.
Partia tjetër, Besa, tha se takimi nuk është mbajtur në frymën e deklaratës së përbashkët dhe se koha ishte e papërshtatshme.
Sela dhe Ahmeti thanë se ishte e rëndësishme për shqiptarët që të mbahej një qëndrim i përbashkët për ligjin e propozuar që do të sillte zgjerim të përdorimin zyrtar të gjuhës shqipe, të cilin palët e kanë vendosur si kusht për pjesëmarrjen e tyre në çdo qeveri të re të Maqedonisë.
Por, në shenjat e mosmarrëveshjeve në rritje mes tyre, Besa ka akuzuar BDI dhe Aleancën për Shqiptarët se po përpiqen të fitojnë pikë politike para zgjedhjeve vendore.
“Në lidhje me tryezën e përbashkët të partive shqiptare, e kemi bërë të qartë se nuk do të pranojmë një takim të iniciuar nga lideri i BDI,” tha Besa për BIRN duke iu referuar Ahmetit.
“Ai është përgjegjës për humbjen e dy depuetëve nga ana e Besës [në zgjedhjet e 11 dhjetorit] të cilat i shkuan VMRO DPMNE, një parti që ka zbatuar politika anti-shqiptare për 15 vjet,” shtoi partia.
“Kjo është arsyeja përse ai nuk ka legjitimitet të përfaqësojë shqiptarët dhe nuk është i përshtatshëm për të thirrur një takim të partive shqiptare në Maqedoni”, vazhdoi Besa.
Partia tha gjithashtu se nuk do të dërgonte dy përfaqësues në komisionin që do të koordinonte propozimet finale të partive shqiptare mbi projektligjin e gjuhës.
“Nëse nuk ka iniciativë për ta thirrur tryezën e rrumbullakët siç ramë dakord, ajo nuk do të organizohet”, tha Besa me vendosmëri.
Lëvizja për Reformat, PDSH tha se mosparaqitja e Besës të shtunën ishte një shenjë e keqe dhe në kontradiktë me shpirtin e deklaratës.
“Gjithsesi do të përpiqemi ta zbatojmë atë në mënyrën më të mirë të mundshme,” tha për BIRN Emir Fejzullahu, zëdhënës i Lëvizjes për Reforma.
Të shtunën, parti të ndryshme që përfaqësojnë shqiptarët etnikë në Maqedoni harmonizuan qëndrimin mbi propozimin e ligjit për gjuhën shqipe, që synon ta bëjë atë zyrtare në të gjithë vendin.
Shqiptarët përbëjnë mbi 20 për qind të popullatës në Maqedoni. 20 vendet në parlament të fituara nga partitë shqiptare do të jenë vendimtare në formimin e një qeverie të re në vend.