Në një tubim të organizuar në Ditën Ndërkombëtare të Grave më 8 Mars, dhjetëra gra u mblodhën për të bërë thirrje për barazi gjinore nën sloganin “Unë jam Supergrua”.
Dhjetëra gra dhe mbështetës të barazisë gjinore u mblodhën të mërkurën në sheshin “Nënë Tereza” për manifestuar me pankarta sensibilizuese për më shumë të drejta për gratë ndërsa theksuan nevojën për ndryshimin e realitetit shqiptar në favor të grave.
Manifestimi u organizua nga Rrjeti i Fuqizimit të Gruas në Shqipëri në bashkëpunim me shoqata të tjera lokale dhe qëndrore që mbrojnë barazinë shoqërore. Ambasada e Suedisë qe gjithashtu pjesë e fushatës ndërgjegjësuese për barazinë gjinore dhe mbrojtjen e të drejtave të grave.