Autoritetet e Prishtinës zhvarrosën trupin e një personi të paidentifikuar në një fshat të Shqipërisë pranë kufirit me Kosovës, i cili besohet të jetë varrosur aty gjatë luftës së vitit 1999.
Instituti i Mjekësisë Ligjore i Kosovës bashkë me EULEX-in, nën mbikëqyrjen e prokurores së krimeve të luftës e Kosovës, Drita Hajdari, zhvarrosën trupin e një personi të paidentifikuar në fshatin Domaj në Shqipëri ditën e hënë.
“Po, kemi gjetur një trup. Do të kthehemi në Kosovë dhe në ditët në vazhdim do të merremi me autopsinë,” tha drejtori i Institutit të Mjekësisë Ligjore, Arsim Gerxhaliu.
Fshatarët në Domaj e gjetën trupin në maj të vitit 1999, gjatë luftës në Kosovë, dhe e varrosën atë.
Ata e quajtën vendin “Varri i kosovarit” pasi menduan se trupin e kishte sjellë aty lumi Drini i Bardhë nga Kosova në fshatin e tyre, i cili është pranë kufirit.
Zhvarrimi i ditës së hënë u krye në bashkëpunim me Shqipërinë.
Instituti i Mjekësisë Ligjore shpreson të përcaktojë identitetin e viktimës pasi të kryejë autopsinë.
Numri i personave që mungojnë ende nga lufta në Kosovë është 1,658.
