Producenti amerikan Harvey Weinstein në vitin 2016 punësoi të njëjtën kompani inteligjence izraelite që spiunoi kryeprokuroren e anti-korrupsionit në Rumani për të zhdukur akuzat për ngacmim seksual, raporton The New Yorker.
Producenti hollivudian Harvey Weinstein, i cili akuzohet për ngacmime seksuale dhe përdhunim nga një numër i madh grash, punësoi hetues privatë nga një firmë izraelite, agjentët e të cilëve ishin burgosur në Rumani se kishin spiunuar kryeprokuroren e anti-korrupsionit në vend Laura Codruta Kovesi, raportoi të martën The New Yorker.
The New Yorker tha se në vjeshtën e vitit 2016, Weinstein vendosi të hidhte poshtë akuzat për ngacmim seksual, duke punësuar agjenci private sigurie për të mbledhur informacione mbi gratë dhe gazetarët e përfshirë në përpjekjen për të ekspozuar akuzat.
Gazetarët thonë se dhjetëra faqe dokumente tregojnë se Weinstein punësoi Kroll – një nga kompanitë më të mëdha të inteligjencës në botë – dhe Black Cube, një ndërmarrje e drejtuar nga ish-agjentët e Mossad.
Black Cube nuk pranoi të komentonte mbi ndonjë punë që ka bërë për Weinstein.
Në Rumani, dy shtetas izraelitë të kontraktuar nga Black Cube u dënuan në vitin 2017 për vjedhje të identitetit kibernetik pasi u përpoqën të spiunonin kryeprokuroren e anti-korrupsionit Laura Condruta Kovesi. Një i tretë, Yossi Barkshtein, nuk është gjetur ende.
Weiner dhe Geclowicz të dy e deklaruan veten të pafajshëm dhe bënë marrëveshje me prokurorët e krimit të organizuar për të marrë dënime të reduktuara. Geclowitz u dënua me 2 vjet e tetë muaj dënim të pezulluar në nëntor 2016 dhe Weiner mori të njëjtin dënim në janar 2017.
Sipas prokurorëve të krimit të organizuar, Weiner ishte ekspert IT i punësuar për të trajtuar sulmet mashtruese dhe për të marrë të dhënat e postës elektronike të Kivesit. Geclowitz më parë i kishte bërë thirrje familjarëve dhe miqve të siguronin adresa emaili që i përkisnin kryeprokurores së anti-korrupsionit.
Një ish-oficer rumun i inteligjencës i akuzuar për korrupsion në një tjetër çështje u arrestua gjithashtu dhe u gjykua nën dyshimin se kishte bërë një sy qorr ndaj gjithë operacionit.
Miliarderi Benny Steinmetz, konsulenti politik Tal Silberstein dhe manjati rumun i mediave Sebastian Ghita u hetuan gjithashtu nga prokurorët rumun të krimeve të organizuara në lidhje me vjedhjen e identitetit kibernetik.
Në fillim të vitit 2017 Rumania pa protestat e saj më të mëdha që prej rënies së komunizmit. Lëvizja shoqërore u shkaktua nga lëvizjet e Social Demokratëve për të ndryshuar ligjet e drejtësisë, të cilat shiheshin si një përpjekje për të frenuar pavarësinë e prokurorëve anti-korrupsion. Protesta të reja u zhvilluan të dielën e kaluar në disa qytete në të gjithë Rumaninë.
Kroll me bazë në SHBA ishte punësuar nga Banka e Moldavisë për të kryer një hetim mbi mashtrimin që oa zhdukjen e miliarda dollarëve të zhdukeshin nga tre banka moldave në vitin 2014.
