Presidenti i Kosovës Hashim Thaçi ka refuzuar të emërojë një kandidat etnik serb në Gjykatën Kushtetuese pas pretendimeve se ai ka një dënim në Serbi për kontrabandë.
Zyra e presidentit të Kosovës Hashim Thaçi lajmërojë të enjten se nuk do të emërojë Radomir Labanin në Gjykatën Kushtetuese të vendit derisa “institucionet kompetente të sigurisë dhe institucionet gjyqësore të kryejnë një kontroll të plotë” të të dhënave të tij.
“Për shkak të dyshimeve në lidhje me të kaluarën e Labanit, presidenti i Kosovës nuk do të nënshkruajë emërimin e tij,” tha zyra e Thaçit për Radio Europa e Lirë.
Laban, i cili u propozua nga partia kryesore serbe e Kosovës, Lista Serbe, u votua për në Gjykatën Kushtetuese nga parlamenti i Kosovës më 22 maj.
Megjithatë, mediat serbe kanë raportuar se Labani kërkohet në Serbi si një nga 21 personat e dënuar në vitin 2011 për përfshirje në operacionet për kontrabandë të paligjshme.
Labani u dënua me gjashtë vjet burg për rolin e tij në këtë çështje nga Gjykata e Lartë e Beogradit, njoftoi mediat serbe Insajder.
EULEX tha për Radion Europa e Lirë se Gjykata Themelore në Kraljevo, Serbi, i kishte kërkuar atij të arrestonte Labanin, por EULEX shtoi nuk ka juridiksion për të përmbushur këto kërkesa.
Labani u vendos gjithashtu në listën e të kërkuarve të Interpolit me kërkesën e Serbisë.
Megjithatë, partia Lista Serbe e mbështetur nga Beogradi, e cila ka nëntë vende në parlamentin e Kosovës, e ka cilësuar Labanin si njeri me “cilësi të larta morale dhe integritet”, sipas faqes së lajmeve Kossev në Kosovën veriore.
“Si grup parlamentar, ne dëshirojmë të propozojmë dhe të mbështesim kandidatin me eksperiencë të madhe në ligj dhe me një reputacion profesional në fushën e ligjit kushtetues,” tha në seancën e datës 18 maj deputeti i Listës Serbe Slavko Simiç.
