Konfirmimi i Komisionit se Kosova përmbush të gjitha kriteret për të ofertën e shumëpritur të liberalizimit të vizave përshëndetet nga presidenti i Kosovës si lajmi më i mirë për vendin për dekada të tëra.
Komisioni Europian konfirmoi të mërkurën se Kosova ka përmbushur të gjitha kriteret për liberalizimin e vizave.
“Të gjitha përpjekjet e Kosovës dhe puna e madhe drejt liberalizimit të vizave janë shlyer dhe prandaj sot mund të konfirmojmë se Kosova i ka përmbushur të gjitha standardet drejt liberalizimit të vizave,” tha gjatë një konference të përbashkët me presidentin e Kosovës, Hashim Thaçi, Komisioneri për Emigracionin, Dimitris Avramopoulos.
Presidenti Thaçi e quajti moment historik. “Vendimi i sotëm i Komisionit Europian është një nga lajmet më të mira që qytetarët e Kosovës kanë pritur për dekada,” tha Thaçi.
Ai tha se “kilometrat” e fundit të këtij procesi kanë qenë të gjata dhe të vështira, por Kosova ka arritur një objektiv shumë të rëndësishëm dhe ai ishte i bindur se deri në fund të vitit, qytetarët e Kosovës do të mund të udhëtonin në vendet e BE-së pa pasur nevojë të kërkojnë viza.
“Sot, muri i fundit i izolimit në të gjithë shoqërinë europiane filloi të shembet,” tha Thaçi, duke shtuar se “Kosova dhe BE-ja kanë fituar”.
Komisioni Europian rekomandoi liberalizimin e vizave për Kosovën në vitin 2016, por tha se vendi duhet fillimisht të përmbushë dy kritere, demarkacionin e kufirit me Malin e Zi dhe luftën kundër korrupsionit dhe krimit të organizuar.
Parlamenti i Kosovës më në fund aprovoi marrëveshjen e demarkacionit të kufirit me Malin e Zi më 21 mars, shoqëruar me protesta dhe gaz lotsjellës.
Marrëveshja u nënshkrua në vitin 2015, por Kosova nuk e ratifikoi atë për shkak të kundërshtimit të fortë nga disa parti që pretendonin se ajo e privonte Kosovën nga territori. Ratifikimi u shty pas përleshjeve të dhunshme në lidhje me këtë çështje.
Që nga ratifikimi i marrëveshjes, Kosova duhej vetëm të plotësonte kriterin për luftën kundër korrupsionit dhe krimit të organizuar.
Megjithatë, “Kosova ka demonstruar angazhim të plotë në luftën kundër korrupsionit dhe krimit të organizuar,” tha Avramopulos për mediat.
Ai i bëri thirrje Parlamentit dhe Këshillit Europian të vazhdojnë para me procedurat. “Unë tani i bëj thirrje Parlamentit dhe Këshillit Europian që të miratojnë me shpejtësi propozimin tonë për heqjen e kërkesave për viza për qytetarët e Kosovës,” tha Avramopoulos.