Reporter.al
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog
Ska rezultat
Shiko të gjitha
  • Tema kryesore
  • Gjyqtare
  • Kolegji i Posaçëm i Apelimit
  • Prokurore
  • KPK
  • Gjykata e Apelit Tiranë
  • Mjedisi
Reporter.al
Reporter.al
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog
Ska rezultat
Shiko të gjitha
Reporter.al
Fillimi Lajme

Seitaj në arrest shtëpie, por hetimet për trafik droge vazhdojnë në Itali dhe Shqipëri

Lindita ÇelaNgaLindita Çela
19:29 | 23/08/2018
Në Lajme, Vendi
Kohe leximi: 3 minuta
A A
0
Prokuroria kërkon pesë vjet burg për ish-gjyqtarin e Sarandës

Gjykata dhe Prokuroria e Posaçme në Tiranë.

Share on FacebookShare on Twitter

Gjykata e Katanias në Itali vendosi lehtësimin e masës së sigurisë për Nazer Seitajn, i dyshuar për lidhjet me vëllezërit Habilaj, por vendimi konsiderohet një “procedurë” që nuk cënon hetimet për trafik droge nga Prokuroria e Krimeve të Rënda.

Gjykata e Krimeve të Rënda në Tiranë.

Nazer Seitaj, një personazh i shumëdiskutuar në Shqipëri dhe i etiketuar nga media si “financiari i Habilajve” la ambientet e burgut mesditën e së enjtes dhe sipas avokatit të tij, u zhvendos në shtëpinë e tij në Romë, ku do të qëndrojë në “arrest shtëpie”.

Avokati i Seitajt, Detar Hysi i tha BIRN se lirimi nga burgu erdhi pasi Gjykata e Katanias vendosi të lehtësonte masën e arrestit me burg.

“Iu drejtuam Gjykatës Italiane për të rivlerësuar masën e sigurisë, pasi dosja e hetimeve për klientin tim është e veçuar dhe në bazë të provave që paraqitëm, u ndryshua masa e sigurisë,”tha Hysi, duke pretenduar se klienti i tij nuk është anëtar i bandës së Habilajve.

Hysi u tregua i rezervuar në dhënien e detajeve të tjera, me pretendimin se publikimi i tyre dëmton hetimin, por saktësoi se 41 vjeçari Seitaj po hetohet për veprën penale të trafikimit të lëndëve narkotike.

“Është e vërtetë që emri i Nazer Seitajt përmendet në përgjimet e bëra nga policia italiane, por hetimet në ngarkim të tij janë veçuar. Gjithsesi duhet të presim përfundimin e hetimeve për të dhënë konkluzionet përfundimtare,” shtoi Hysi.

Nazer Seitaj u arrestua në 20 tetor 2017 në Shqipëri, pasi një hetim i autoriteteve italiane e identifikoi atë si pjesëtar të organizatës kriminale të udhëhequr nga vëllezërit Habilaj, kushërinj të ish-ministrit të Brendshëm, Saimir Tahiri dhe përgjegjës për eksportimin e disa tonelatave me marijuanë në drejtim të Italisë.

Prokuroria e Krimeve të Rënda regjistroi një procedim penal në emër të tij, por pak javë pas arrestimit, Seitaj u ekstradua papritur drejt Italisë. Ekstradimi i Seitajt shkaktoi një debat politik në vend, ku Partia Demokratike dhe Lëvizja Socialiste për Integrim argumentuan se largimi i tij nga Shqipëria po bëhej me synimin për të penguar hetimin në Shqipëri të ish-ministrit të Brendshëm, Saimir Tahiri.

Prokuroria e Përgjithshme nisi një hetim disiplinor për procedurat e ekstradimit-të cilët u denoncuan si të kundraligjshme, por nuk ka ende një rezultat për hetimin.

Ndryshimi i masës së sigurisë nga Gjykata Italiane u konsiderua një akt procedural nga Prokurori i Krimeve të Rënda, Besim Hajdarmata, i cili paralelisht me drejtësinë italiane, po kryen hetime për të njëjtin grup kriminal dhe ish-ministrin Tahiri.

“Ky është një vendim që nuk do të ndikojë në hetimet që po kryen qoftë nga prokuroria italiane ashtu dhe nga ne për llogari të këtij grupi kriminal. Duhet të kini parasysh që të njëjtën masë sigurie ka pasur edhe Sabaudin Çelaj, që është një ndër njerëzit më të rëndësishëm të kësaj bande dhe sot janë përballë drejtësisë,”tha Hajdarmata për BIRN.

Njësoj si avokati Detar Hysi, edhe prokurori Hajdarmata mendon se ndryshimi i masës së sigurisë mund të ketë pasur si faktor rolin e 41-vjeçarit në çështjen “Habilaj”.

“Është e vërtetë që Seitaj ka njohuri për funksionimin e kësaj organizate, por ai nuk ka pasur rol në drejtimin dhe funksionimin e saj, ndaj me sa duket kjo ka ndikuar në vendimin e gjykatës,” saktësoi Hajdarmata, sipas së cilit dëshmitë e dhëna nga 41 vjeçari nuk kanë qenë ndihmuese për drejtësinë shqiptare.

Hajdarmata pohoi se hetimet në ngarkim të Seitajt për akuzën e trafikimit të lëndëve narkotike dhe pjesëmarrjes në organizatë kriminale vijojnë edhe në Shqipëri. Në të njëjtin hetim është përfshirë edhe ish-ministri Tahiri, për të cilin Prokurori i Krimeve të Rënda thotë se po vazhdon shkëmbimi i informacioneve me homologët italianë.

Tahiri, një ndër ministrat kryesorë të kabinetit “Rama 1” u akuzua se kishte ndihmuar vëllezërit Habilaj në trafikimin e tonelatave të kanabisit gjatë viteve 2013-2017 drejt Italisë. Kërkesa e prokurorëve të Krimeve të Rënda për të miratuar një urdhër-arresti për të u rrëzua me votat e mazhorancës në Kuvend, por në maj 2018, Gjykata e Krimeve të Rënda miratoi “arrest shtëpie” për ish-ministrin. Kjo masë u shfuqizua më pas nga Gjykata e Apelit për Krime të Rënda.

Etiketa: HabilajNazer SeitajSaimir TahiriVellezerit Habilaj
Tjetri
Brenda kampit çnjerëzor të diktaturës në Tepelenë (Fotoreportazh)

Brenda kampit çnjerëzor të diktaturës në Tepelenë (Fotoreportazh)

Më të lexuarat

Shtyhet seanca dëgjimore për Altin Abdiun

Vetingu i të birit ekspozon problemet në pasurinë e ish-kryetarit të Gjykatës Kushtetuese, Fehmi Abdiu

20:01 | 24/06/2022
Prokuroria kërkon pesë vjet burg për ish-gjyqtarin e Sarandës

Seitaj në arrest shtëpie, por hetimet për trafik droge vazhdojnë në Itali dhe Shqipëri

19:29 | 23/08/2018
Një sponsor privat financoi aktivitetin e KPK në një resort luksoz në Vlorë

Një sponsor privat financoi aktivitetin e KPK në një resort luksoz në Vlorë

12:33 | 07/01/2022
Gjyqtarja Elsa Ulliri përballet me vetingun

Gjyqtarja Elsa Ulliri përballet me vetingun

16:27 | 28/06/2022
KPA dëgjon konkluzionet përfundimtare në vetingun e Gerd Hoxhës

KPA dëgjon konkluzionet përfundimtare në vetingun e Gerd Hoxhës

21:53 | 22/06/2022
KPK ngre dyshime për pasuri të fshehura ndaj prokurorit Arben Sharra

KPK ngre dyshime për pasuri të fshehura ndaj prokurorit Arben Sharra

18:21 | 27/06/2022
  • Analiza
  • Blog
  • Intervista
  • Investigime
  • Lajme
  • Opinion
  • Rajoni
  • Reportazhe
  • Vendi
  • Rreth nesh
  • Stafi
  • Kontaktoni
  • Ankesa dhe Korrigjime
  • Politika e privatësisë dhe rregulla të tjera
  • Pyetje të shpeshta
Follow Us

Të gjitha të drejtat janë të rezervuara
© 2014 - 2021 Reporter.al - BIRN
Dev by Aplikacione.com

Ska rezultat
Shiko të gjitha
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog

© 2022 Reporter.al - Dev by aplikacione.com.