Disa emigrantë dhe refugjatë u lënduan ndërsa përpiqeshin të çanin një kordon policie që nuk i lejonte ata të kalonin pikën kufitare të Bosnjës dhe Hercegovinës me Kroacinë.
Disa emigrantë dhe refugjatë u plagosën ndërsa përpiqeshin të thyenin një kordon policor të mërkurën që i pengonte ata të hynin në Kroacinë anëtare të BE-së në pikën kufitare Maljevac në Bosnjën veriore, njoftoi media vendase.
Ndërsa tensionet në kufi u rritën gjatë ditës, një helikopter i policisë kroate u vendos aty dhe policia kufitare kroate po ngrinte një gardh për të mos lejuar që emigrantët dhe refugjatët të hynin në vend, njoftoi agjencia e lajmeve Anadolu.
Rreth 200 emigrantë dhe refugjatë kanë bllokuar rrugën kryesore drejt pikës kufitare me Kroacinë, e cila është mbyllur për të gjithë trafikun, tha policia kufitare e Bosnjës.
Disa arritën ta thyenin kordonin, por më pas u ndaluan të shkonin më tej nga policia kroate, raportoi stacioni televiziv rajonal N1.
“Si gjithmonë, anëtarët e policisë kroate po mbrojnë kufijtë dhe deri më tani ata nuk kanë hyrë në territorin boshnjak,” tha për N1 TV, Davor Bozinoviç, ministër i brendshëm i Kroacisë.
Rreth 90 emigrantë dhe refugjatë që ngelën në një tren në qytetin verior boshnjak të Bihacit sepse policia nuk i lejoi ata të zbrisnin, do të transferohen në autobusë në kryeqytetin Sarajevë, tha për mediat të mërkurën zëdhënësja e Ministrisë së Brendshme të Kantonit të Una Sanës, Snezana Galiç.
Që nga fillimi i vitit deri më 17 tetor, vetëm rreth 18,000 emigrantë dhe refugjatë u regjistruan që të kenë hyrë në Bosnje dhe Hercegovinë, shumë prej të cilëve po udhëtojnë në rrugën e re të ashtuquajtur “Rruga ballkanike” drejt Europës Perëndimore, e cila kalon nëpër Shqipëri, Mal të, Bosnje dhe në disa raste Serbi.
