Një raport i publikuar nga Komisioni Europian në Ditën Ndërkombëtare të Poliomelitit hedh dritë në nivelet e ulëta të besimit të bullgarëve te shumica e vaksinave, pavarësisht shkallës së tyre të lartë të vaksinimit.
Vetëm dy në tre bullgarë pajtohen se vaksinat janë të sigurta dhe 72.7 për qind besojnë se ato janë efikase – nivelit më i ulët i besimit midis shtetasve të Bashkimit Europian, sipas një raporti të publikuar nga Komisioni Europian të mërkurën për të shënuar Ditën Botërore të Poliomelitit.
Raporti, i hartuar si pjesë e Projektit të Besimit te Vaksinat nga studiuesit e Shkollës së Higjienës dhe Mjekësisë Tropikale në Londër, nxjerr në pah një prirje shqetësuese për rënien e besimit shoqëror në përfitimet e vaksinimit në të gjithë Europën, mungesën e koordinimit midis anëtarëve të BE dhe dallimeve të mëdha në strategjitë kombëtare të vaksinimit.
Ndërsa disa vende të Europës Perëndimore, si Portugalia dhe Finlanda tregojnë një rritje besimi te vaksinat, shumë shtete të Europës Lindore, dhe sidomos Bullgaria, Polonia dhe Sllovakia, janë bërë më të pakënaqur krahasuar me vitin 2015, sugjeron studimi.
Të dy vendet me besimin më të lartë të vaksinat janë Franca, ku vetëm 70 për qind e njerëzve mendojnë se vaksinat janë të sigurta, një shifër afër Bullgarisë, dhe Hungaria, ku 91.4 për qind e njerëzve besojnë se vaksinat janë të mira për fëmijët – krahasuar me 78.4 për qind në Bullgari.
Shtetasit bullgarë ishin midis pesë vendeve më skeptikë nga totali prej tetë vendesh të cilët iu nënshtruan anketimit.
Pyetjet në përgjithësi kishin lidhje me besimin te vaksinimi në përgjithësi, besimi se vaksinimi është i mirë për fëmijët, besimi në rëndësinë dhe efektivitetin e imunizimit është i rëndësishëm dhe efikas, si edhe besimi se vaksina MMR kundër fruthit, shytave dhe rubeolës mund të jetë e besueshme.
Sondazhi sugjeron një lidhje midis besimit midis mjekëve të përgjithshëm te efektet pozitive të vaksinimeve dhe niveleve të besimit në vaksinimin që shfaqin pacientët e tyre.
Kjo ishte sidomos e dukshme në Rumani, ku 81 për qind e të anketuarve ishin pozitivë për vaksinat sezonale – rezultati më i lartë për BE-në si tërësi – dhe ku pothuajse 100 për qind e mjekëve raportohet t’i rekomandojnë ato si të sigurta dhe të rëndësishme.
Një tjetër trend shqetësues është se të rinjtë në BE si një e tërë kanë më pak gjasa të kenë pikëpamje pozitive për vaksinimin në krahasim me shokët e tyre më të moshuar. Arsimi gjithashtu luan një rol të rëndësishëm, edhe pse njerëzit më të arsimuar kanë gjasa që të mendojnë se vaksinimi sezonal është i sigurt, por jo se është aq i rëndësishëm.
“Besimi te vaksinat është thelbësor për mbajtjen e normave të larta të mbulimit,” tha në një deklaratë Komisioneri Europian për Shëndetin dhe Sigurinë Ushqimore Vytenis Andriukaitis.
Andriukaitis e lidhi besimin në rënie te vaksinim pjesërisht me ndikimin në rritje të grupeve anti-vaksinë që “përhapin informacione të çorientuara përmes internetit ose në forume politike”.
“Ndikimi i tyre duhet të na bëjë të gjithë të kujdesshëm,” paralajmëroi ai.
